Fesoasoani e Pei o Iesu

O Iesu o sē Na Faatupuina le Filemu.

Sa aoao e Iesu Keriso Ona soo i luga o se mauga. O mea sa Ia aoao atu ua ta‘ua o le “Lauga i luga o le Mauga.” Sa ia fetalai mai, “Amuia e faatupuina le filemu” (Mataio 5:9).

O sē faatupuina le filemu o se tasi e aumaia le filemu i isi. O Iesu o sē Na faatupuina le filemu. Sa Ia fesoasoani i tagata ia lagona le filemu e ala i le auauna atu ma faamanuiaina i latou. O loo fesoasoani pea o Ia ia tatou lagonaina le filemu i le asō.

Faitau atili i aoaoga a Iesu Keriso e uiga i le filemu i le Ioane 14:27.

Sa ou faia se “pakete o le faifaimea faatasi.” Sa ou faatumuina i ni fasipepa na tau mai ai ni mea e mafai ona faia faatasi e a‘u, o lo’u uso, ma lo‘u tuagane. I tua o pepa, sa ou tusia ai pese Peraimeri ua matou iloa. Sa ou lagonaina le Agaga Paia a o ou faia le pakete o le faifaimea faatasi. Sa ou lagona le faafetai mo lo‘u aiga.

Avalyn G., 7 tausaga, Michigan, ISA

E Mafai Ona Avea A’u o sē Faatupuina le Filemu

• O ai e mafai ona e fesoasoani ia lagona le filemu?

• Fai se tatalo ma fai se fuafuaga e fesoasoani ai ia i latou.

• Fai lau fuafuaga!

• Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

O faapefea ona e taumafai e fesoasoani i isi, e pei ona sa faia e Iesu? Tusi ma ta’u mai ia i matou.

Ata na tusia e Kevin Keele