សារលិខិតសន្និសីទមកពីព្យាការី
ការស្វែងរកសេចក្តីសុខសាន្ត នៅក្នុងចិត្តរបស់បងប្អូន
ដោយប្រធាន រ័សុល អិម ណិលសុន
បានដកស្រង់ចេញពី « ការផ្សាយដំណឹងល្អនៃភាពសុខសាន្ដ » និង « អំណាចនៃសន្ទុះខាងវិញ្ញាណ លីអាហូណា ខែ ឧសភា ឆ្នាំ ២០២២ ។
ខ្ញុំស្រឡាញ់បងប្អូន ហើយអធិស្ឋានសម្រាប់បងប្អូន រាល់ថ្ងៃ ។ មានទុក្ខលំបាកជាច្រើននៅក្នុងពិភពលោកនេះ ។ ជម្លោះ និងជំងឺរាតត្បាតបានជះឥទ្ធិពលដល់មនុស្សជាច្រើន ។ ប៉ុន្តែពិភពលោកនេះត្រូវការជំនួយ ។
ព្រះយេស៊ូវគ្រីស្ទគឺជាម្ចាស់នៃមេត្រីភាព ។ ដំណឹងល្អរបស់ ទ្រង់គឺជាផ្លូវតែមួយគត់ដែលរកឃើញសេចក្តីសុខសាន្តដ៏យូរអង្វែង ។ យើងត្រូវការភាពសុខសាន្ដនាពេលនេះជាងពេលណាៗទាំងអស់ មានតែទ្រង់ប៉ុណ្ណោះអាចប្រទានដល់យើងបាន ។
ពួកអ្នកដើរតាមព្រះយេស៊ូវគ្រីស្ទ គួរតែធ្វើជាគំរូឲ្យមនុស្សទាំងអស់ក្នុងពិភពលោកនេះធ្វើតាម ។ តើយើងអាចរំពឹងថា មានភាពសុខសាន្ដក្នុងពិភពលោកនេះដោយរបៀបណា លើកលែងតែយើងស្វែងរកភាពសុខសាន្ដ នៅក្នុងជីវិតរបស់យើងផ្ទាល់ ? គ្មាននរណាម្នាក់ អាចគ្រប់គ្រងទង្វើរបស់ អ្នកដទៃបានទេ ។ ប៉ុន្តែយើងអាចគ្រប់គ្រងខ្លួនឯងបាន ។
សូមធ្វើអស់ពីសមត្ថភាពរបស់បងប្អូនដើម្បីបញ្ឈប់ជម្លោះនៅក្នុងជីវិតរបស់បងប្អូន ។ ចូរបន្ទាបខ្លួន មានសេចក្តីក្លាហាន និងរឹងមាំ ។ ការណ៍នោះនឹងជួយបងប្អុនឲ្យអភ័យទោសដល់អ្នកដទៃ និងស្វែងរកការអភ័យទោស នៅពេលបងប្អូនបានធ្វើអ្វីមួយខុស ។ ទូលសុំព្រះចេស្តារបស់ ព្រះយេស៊ូវគ្រីស្ទ និងដង្វាយធួនរបស់ទ្រង់ដើម្បីជួយបងប្អូន ។
ព្រះយេស៊ូវគឺជាព្រះគ្រីស្ទ ! ទ្រង់មានព្រះជន្មរស់ ! ទ្រង់ស្រឡាញ់បងប្អូន ហើយនឹងជួយដល់បងប្អូន ។
បញ្ចប់ដំណើររឿង
តើបងប្អូននឹងធ្វើអ្វីនៅពេល ជម្លោះកើតឡើងជាមួយបងប្អូនប្រុស ស្រី ឬមិត្តភក្តិ ? សូមជ្រើសរើសរូបភាពមួយខាងក្រោម ។ បន្ទាប់មក សូមគូររូប ឬសរសេរអំពីរបៀបដែលបងប្អូនអាចស្វែងរកសេចក្តីសុខសាន្ត ។
ការឈ្លោះប្រកែកគ្នា
ការនិយាយពីរឿងផ្សេង
ការធ្វើបាបគេ
របៀបដែលខ្ញុំទទួលបានសេចក្តីសុខសាន្ត