ដំណើររឿងក្នុងព្រះគម្ពីរ
សេចក្តីក្លាហានរបស់យ៉ូស្វេ
បន្ទាប់ពីម៉ូសេបានស្លាប់ទៅ ព្រះអម្ចាស់បានជ្រើសរើស យ៉ូស្វេ ដើម្បីធ្វើជាព្យាការី ។ ព្រះបានមានបន្ទួលឲ្យយ៉ូស្វេរឹងមាំឡើង និងមានសេចក្ដីក្លាហាន ។
យ៉ូស្វេ បានដឹកនាំប្រជារាស្រ្តទៅកាន់ដែនដីសន្យា ។ នៅពេលពួកគេបានឆ្លងកាត់ទន្លេ យ័រដាន់ ព្រះបានបញ្ឈប់ទឹកដើម្បីពួកគេអាចដើរឆ្លងកាត់បាន ។
យ៉ូស្វេ បានបង្រៀនដល់ប្រជាជនអំពីការជ្រើសរើសនានា ។ លោកបានមានប្រសាសន៍ថា ពួកគេអាចជ្រើសរើសថាតើគួរធ្វើតាមព្រះឬអត់ ។
យ៉ូស្វេ បានជ្រើសរើសធ្វើតាមព្រះ ។ ប្រជាជនជាច្រើនក៏បានជ្រើសរើសធ្វើដូច្នោះដែរ ។
ខ្ញុំអាចមានសេចក្តីក្លាហានដូចជាយ៉ូស្វេផងដែរ ។ ខ្ញុំអាចជ្រើសរើសដើម្បីធ្វើតាមព្រះ ។
រចនារូបភាពដោយ អាព្រីល ស្តុត