Ինչպե՞ս հոգ տանեմ իմ մասին

Page from the May/June 2022 Friend Magazine.

Մարզումներ

Որո՞նք են ձեր նախընտրած վարժությունները, որոնք ձեզ շարժման մեջ են դնում։

Հուշումներ

• Փորձեք ամեն օր դրսում խաղալ որոշ ժամանակ։

• Դարձրեք այն զվարճալի։ Կազմակերպեք պարեր, սպորտային խաղեր կամ զբոսնեք բնության գրկում։

• Եթե երկար ժամանակ նստած եք, ընդմիջում կատարեք, ձգվեք և մի քիչ քայլեք։

«[Նրանք] կվազեն ու չեն հոգնի, և կքայլեն ու չեն նվաղի» (Վարդապետություն և Ուխտեր 89․20)։

Բավականաչափ քնեք

Ի՞նչ կարող եք անել՝ գիշերը լավ քնելու համար։

Հուշումներ

• Անկողին մտեք և ամեն օր արթնացեք նույն ժամին։

• Փորձեք ամեն գիշեր քնել իննից մինչև տասնմեկ ժամ։

• Անջատեք ձեր սարքերը քնելուց մեկ ժամ առաջ, ինչը կօգնի ձեզ ավելի լավ հանգստանալ։

«Վաղ մտեք ձեր անկողինը, որպեսզի չհոգնեք» (Վարդապետություն և Ուխտեր 88․124)։

Կերեք առողջ սնունդ

Որո՞նք են ձեր սիրած առողջ ուտելիքները։

Հուշումներ

• Փորձեք ուտել լավ մթերքների հավասարակշռված խառնուրդ: (Տես Վարդապետություն և Ուխտեր 89․10-17-ը օրինակների համար։)

• Կերեք քաղցրավենիք փոքր քանակությամբ և աշխատեք դրանք շատ հաճախ չուտել։

• Ամեն օր խմեք մեծ քանակությամբ ջուր։

«Բոլոր բաները, որ բխում են երկրից … ստեղծված են … մարմինն ամրացնելու համար» (Վարդապետություն և Ուխտեր 59․18-19)։

Հանգստացե՛ք

Ի՞նչ եք սիրում անել հանգստանալու համար։

Հուշումներ

• Եթե դուք անհանգիստ եք, տխուր, կամ բարկացած, խոսեք վստահելի չափահասի հետ։

• Ամեն օր ժամանակ հատկացրեք հանգիստ ու լուռ լինելու համար։

• Ամեն օր աղոթքով դիմեք Երկնային Հորը։ Ասեք Նրան, թե ինչի համար եք երախտապարտ, և ինչ խնդրի հետ կապված օգնության կարիք ունեք։

«Դադարեցէք եւ ճանաչեցէք, որ ես եմ Աստուած» (Սաղմոս 46․10)։

Խուսափե՛ք վատ բաներից

Որոշ բաներ կարող են վնաս հասցնել մեր մարմիններին կամ կախվածություն առաջացնել, ուստի շատ դժվար է դադարեցնել դրանց օգտագործումը։ Ահա մի քանի բաներ, որոնցից դուք պետք է հեռու մնաք.

• Ծխախոտ

• Սուրճ

• Էլեկտրական ծխախոտ/գոլորշացումով

• Թեյ

• Ալկոհոլային խմիչքներ

• Վնասակար դեղեր

Նկարների հեղինակ՝ Ջոշ Թալբոթ