Rima tauturu ’ati a’e te ao nei

Fārerei ia Septream nō Taputiha mai

Fārerei i te mau tamari’i Paraimere e tauturu ra ia vetahi ’ē, mai tā Iesu i nā reira.

Hōho’a

A portrait of an young man with dark hair, wearing a green shirt

Te mau mea ato’a nō ni’a ia Septream

Hōho’a

Septream and his family

Matahiti : 12

Nō : Phnom Penh, Taputiha

Te mau reo : Khmer, peretāne

Te mau fā ’e te mau moemoeā : 1) Tauturu ia Taputiha ’ia riro ’ei fenua maita’i a’e ’ia pa’ari ana’e au. 2) Tāvini i te hō’ē misiōni. 3) Haere i te hiero.

’Utuāfare : Septream, māmā, pāpā, e piti tuahine, hō’ē taea’e

Mau rima tauturu o Septream

Hōho’a

boy cutting up vegetables

E haere ’o Septream i te ha’api’ira’a i te hō’ē ’oire rahi. I te tahi taime i te fare ha’api’ira’a tē ’ite nei ’oia i te mau hoa ’aita e nava’i nei i te mā’a. Nō reira, e ’ōpere ’oia i tāna mā’a ’amu’amu ’e e tāmā’a nā muri iho ia rātou. Tē parau ra ’o Septream ē ’ia tauturu ’oia ia vetahi ’ē e fa’atupu te reira i te mana’o maita’i i roto iāna. « E fa’atupu te reira i te hina’aro i roto iā’u ’ia rave hau atu ā. E ’oa’oa vau ’ia pe’e ana’e au ia Iesu », tē nā ’ō ra ’oia.

Tē parau nei Septream ē, e ha’amaita’ihia tātou ’ia tāvini ana’e tātou ia vetahi ’ē. « ’Ia rave ana’e tātou i te hō’ē mea maita’i, e ha’amaita’i mai te Atua ia tātou. Tē parau nei Iesu ē, te ravera’a i te mau mea maita’i nō te tahi atu mau ta’ata, e au ïa mai te ravera’a i te mau mea maita’i nōna ».

Te mau mea au-roa-hia e Septream

Hōho’a

pictures of Septream’s favorites

’Ā’amu nō ni’a ia Iesu : I tōna tauturura’a ia Petero ’ia haere nā ni’a i te ’are

Vāhi : Te fare

Hīmene Paraimere : « E tamari’i au nā te Atua ra » (Te mau hīmene, 185)

Mā’a : Amok (i’a tei tunuhia i roto i te rau’ere mai’a)

Te ’ū : Te Nīnamu

Mau tumu parau i te fare ha’api’ira’a : Te reo Peretāne ’e te ’ā’amu

Hōho’a

Page from the July/August 2022 Friend Magazine.

Fa’ahōho’ara’a nā Lisa Hunt