’Ā’amu nō roto mai i te mau pāpa’ira’a mo’a

Tē ha’api’i nei te Salamo nō ni’a ia Iesu Mesia

E mau hīmene mo’a te Salamo. ’Ua pāpa’i te mau ta’ata i roto i te Bibilia i te salamo nō te ’ārue i te Atua. E rave rahi o tā rātou mau salamo e ha’api’i nei nō ni’a ia Iesu Mesia. Teie te tahi mau mea tā te mau salamo i roto i te Bibilia e ha’api’i nei.

’Ua here au i te Fatu. ’O ’oia tō’u papa ’e tō’u pūai. E ti’aturi au iāna. E ’ārue au iāna.

’O Iehova tō’u tīa’i. E arata’i ’oia iā’u i te mau vāhi matie ra. E arata’i ’oia iā’u i ni’a i te mau pape marū. E’ita vau e mata’u.

’O te Fatu tō’u māramarama. E’ita vau e ri’ari’a. E roa’a tō’u itoito. E fa’aitoito ’oia i tō’u ’ā’au.

’Ua here au ia Iesu Mesia, ’e ’ua here ’oia iā’u. E nehenehe au e ’ārue iāna ’ia ha’api’i ana’e au ’e ’ia hīmene ana’e au nō ni’a iāna.