Tere hiero
E aha te huru i roto i te hiero ? ’A hi’o i roto i te hiero nō Rio de Janeiro (Peretīria) nō te ’ite. E vāhi te hiero i reira te mau ta’ata e fāri’i ai i te mau ’ōro’a (te mau ’ohipa mo’a ’aore rā te mau ’ōro’a mo’a e ravehia nā roto i te mana o te autahu’ara’a, mai te bāpetizora’a).
Vāhi hi’opo’ara’a parau fa’ati’a
’Ia tomo ana’e ’outou i roto i te hiero, e fāri’i mai te hō’ē ta’ata ia ’outou. Mai te mea tē haere ra ’outou nō te bāpetizora’a ’e nō te ha’amaura’a nō vetahi ’ē, e fa’a’ite ’outou i tā ’outou parau fa’ati’a nō te hiero. Tē fa’a’ite nei te reira ē ’ua ineine ’outou nō te haere i roto i te hiero. E nehenehe ’outou e fāri’i i te hō’ē parau fa’ati’a mai roto mai i tō ’outou ’episekōpo ’aore rā te peresideni ’āma’a i te taime e ti’ahia tō ’outou matahiti i te 12.
Vāhi bāpetizora’a
I roto i te hiero, e nehenehe ’outou e bāpetizohia nō tō ’outou mau tupuna ’e te tahi atu mau ta’ata tei pohe ma te ’ore i bāpetizohia. E nehenehe ato’a ’outou e ha’amauhia nō rātou ’ia ti’a ia rātou ’ia fāri’i i te hōro’a nō te Vārua Maita’i.
Piha ’ōro’a
I’ō nei ’outou e ha’api’i rahi mai ai nō ni’a i te fa’anahora’a nō te ’oa’oa a te Metua i te ao ra ’e tāna ’ōpuara’a nō tātou i ni’a i te fenua nei. I te hō’ē mahana, e nehenehe ’outou e haere mai i’ō nei nō te rave i te mau fafaura’a ta’a ’ē, ’aore rā te mau parau fafau, ’e ’ōna.
Piha tiretiera
Teie piha nehenehe ’e te hau ’o te hō’ē ïa vāhi nō te pure ’e nō te feruri i te mau mea faufa’a a’e i roto i tō ’outou orara’a. E fa’aha’amana’o te reira ia tātou i te huru o tō tātou ’utuāfare i te ra’i ra.
Piha tā’atira’a
I roto i teie piha, e nehenehe te tāne ’e te vahine fa’aipoipo e fa’aipoipohia e a muri noa atu. E parauhia te reira te tā’atira’a. E tūturi nā ta’ata fa’aipoipo i mua i te fata ’ia tā’atihia rāua. E nehenehe ato’a te mau tamari’i e tā’atihia i tō rātou nā metua i’ō nei mai te mea ē, ’ua fa’a’amuhia rātou ’aore rā ’ua fānauhia hou ’a tā’atihia ai tō rātou ’utuāfare.