OGaoioiga o le Sau, Mulimuli Mai ia te A’u

Mo afiafi faaleaiga, suesueina o tusitusiga paia, pe tau lava o se mea malie!

Laau o le Amiotonu

A drawing of a paper tree next to scissors and a crayon

Tala: Na aoao mai Isaia o le a afio mai Iesu Keriso e faamalolo ma faamafanafana i latou o e faanoanoa pe manaomia le fesoasoani (tagai Isaia 61:1). Na ia fai mai foi faapea, o i latou o e usiusitai i aoaoga a Iesu o le a pei o “laau o le amiotonu” (Isaia 61:3).

Pese:“Le Alofa o Lo’u Faaola” (Tusipese a Tamaiti, 42–43).

Gaoioiga: Tusi se ata o se laau. Oti ese ni laulaau. Tusi i luga o laulaau ni auala e fesoasoani ai Iesu ia te oe pe a e usitai i Ana aoaoga. Ona faapipii lea o laulaau i luga o le laau.

Faifaiva i Tagata

A boy with a fishing rod with a fish on the end of his line

Mo le Ieremia 1–3; 7; 16–18; 20

Tala: Na aoao mai le perofeta o Ieremia o le a auina mai e le Atua “faifaiva e toatele” e fesoasoani e faapotopoto Isaraelu (tagai Ieremia 16:15–16). O le a faasoa atu e nei tagata le talalelei ina ia mafai ai e tagata uma ona toe foi atu ia te Ia.

Pese: “Faamoemoe Latou Te Valaau A’u i le Misiona,” (Tusipese a Tamaiti, 91)

Gaoioiga: Ona taaalo lea i le taaloga fagota i le itulau e 12. E mafai faapefea ona e fesoasoani i le faapotopotoina o Isaraelu?

Taaloga Taumatemate o Mau

Mo le Ieremia 30–33; 36; Auega a Ieremia 1; 3

Tala: Na ta’u atu e le Alii ia Ieremia e tusi i lalo Ana upu (tagai Ieremia 36:1–4). E mafai ona tatou faitau i ai i aso nei i le tusi a Ieremia. E fesoasoani tusitusiga paia tatou te iloa ai afioga a le Tama Faalelagi ma Iesu Keriso.

Pese: “Saili, Mafaufau Loloto, ma Tatalo” (Tusipese a Tamaiti, 66)

Gaoioiga: Taaalo i se taaloga taumatemate o mau! Feauauai e faatino lau tala faatusi paia e sili ona e fiafia i ai. Fai atu i tagata uma e mate mai po o le a le tala o loo faatinoina. O le a se mea o aoao atu ia te oe e lau tala e sili ona e fiafia i ai?

Sootaga Faaleaiga

Mo le Esekielu 1–3; 33–34; 36–37; 47

Tala: Sa maua e le perofeta o Esekielu se faaaliga o se vaitafe na tafe mai i se malumalu. I le faaaliga, na tupu le vaitafe ma faamanuiaina mea uma na oo i ai (tagai Esekielu 47:1–12). E pei o le vaitafe na faamanuiaina ai le mea na oo i ai, o le malumalu e faamanuiaina ai o tatou aiga.

Pese: “E Mafai Ona Faavavau Aiga” (Tusipese a Tamaiti, 98).

Gaoioiga: E fesoasoani talafaasolopito o aiga e aumaia faamanuiaga o le malumalu i o tatou aiga. Alu i le itulau 24 e vaai pe na faapefea ona iloa e ni teineiti se toalua mai Taiuani e uiga i lo la aiga. Ona fai lea o le gaoioiga i le itulau 16. O le a se isi auala e mafai ona e aoao ai e uiga i lou aiga?

Ata na tusia e Katy Dockrill