Uo i le Uo
Taua le Galuega
Saunia e Elder Alfred Kyungu
O Le Fitugafulu
Mai se faatalanoaga ma Richard M. Romney.
Sa i ai se taimi a o ou laitiiti sa leai se tupe a o’u matua e totogi ai la’u aoga, o lea sa ou le toe alu ai i le vasega.
I se tausaga mulimuli ane, sa fai mai lo’u tama e mafai ona ou toe foi i le aoga pe afai e lava se matou tupe mai le matou faatoaga. Sa matou galulue malosi uma. I le mavae ai o le lua tausaga o taumafaiga, sa lava se matou tupe na maua na mafai ai ona ou toe alu i le aoga.
Na aoaoina a’u e lenei mea o le a’oga e taua le galue i ai. E taua le aoga. A e i ai i le aoga, e tatau ona e galue malosi ma aoao mea uma e te mafaia.
I ni tausaga mulimuli ane, na ou auai i le Ekalesia. Sa ou iloa ai, ua aoao foi i tatou e le Alii e taua a’oga. Ua aoao mai tusitusiga paia e mafai ona tatou ave soo se mea tatou te aoaoina i lenei olaga faatasi ma i tatou i le faavavau (tagai Mataupu Faavae ma Feagaiga 130:18–19).
Ou te faafetai ona sa ou aoao e galue malosi ina ia uma la’u aoga. Ou te tatalo ia tofu maua uma e outou aoaoga tou te mafaia. Ona mafai lea ona e faaaogaina lou malamalama e fesoasoani ai i isi.
Ata na tusia e Shellene Rodney