Fesoasoani e Pei o Iesu

Na Fesoasoani Iesu i Lona Tina

Sa alu Iesu Keriso i se faaipoipoga i Kana. Sa i ai iina Lona tina, o Maria. Sa ia ta’u atu ia Iesu ua leai se uaina. Sa fesili Iesu i Lona tina po o le a se mea e manao Na te faia. Sa Ia faia se vavega ma liua le vai i le uaina. Sa alofa Iesu i Lona tina ma fesoasoani ia te ia.

E mafai ona e faitauina lenei tala i le Ioane 2:1–11.

E Mafai ona Ou Fesoasoani i Isi

• E mafai faapefea ona e fesoasoani i se matua po o se tagata o loo vaaia oe?

• Fai se tatalo ma fai se fuafuaga e fesoasoani ai ia i latou.

• Mulimuli i lau fuafuaga!

• Oti ese le kata lenei e faamanatu ai ia te oe ia faaauau pea ona fesoasoani e pei o Iesu.

E ma’i lo’u tina i taifau. Sa ma o atu i le fale o la’u uo, ma e i ai se latou taifau. Ina ua ma taunuu i le fale, sa pata uma foliga o lo’u tina. Sa ou tuuina atu ia te ia se pepa aisa, se aluga, ma se palanikeke. E le’i umi ae amata ona teaese le pata. Ua ou fiafia sa ou fesoasoani i lo’u tina.

Penelope B., 9 tausaga, Iuta, ISA

O faapefea ona e taumafai e fesoasoani i isi, e pei ona sa faia e Iesu? Tusi ma ta’u mai ia i matou.

Ata na tusia e Alamy Images