Mekasini a le Aigao Liv ma Melanie
Saunia e Liv P., 8 tausaga, Aai o Tapei Fou, Taiuani
Talofa tagata uma!
O lo’u igoa o Liv. E 8 o’u tausaga. Sa ou faatuina se sini e fai talafaasolopito o aiga. Sa manatu lo’u tina e tatau ona ou tuua tala a lo’u aiga i se mekasini. Sa ma fiafia ma lo’u uso laitiiti o Melanie i le manatu. Sa amata ona ma galulue i le taimi lava lena.
Mo la ma lomiga ia Iulai, sa ma faatalanoaina ai tagata o le aiga o e o o latou aso fanau e ia Iulai. O nisi nei o fesili: (1) O le a le meaalofa aso fanau e sili ona e fiafia i ai ma e aupito itiiti ona e fiafia i ai? (2) O le a le ituaiga keke asofanau e sili ona e fiafia i ai? (3) O a tala pupuu ae mataina o le olaga e mafai ona e faasoa mai ia i ma’ua?
Ona ma galulue lea i le lomiga o Aokuso. O le autu o le Aso o Tama. Muamua sa ma faatalanoaina tamā uma i lo matou aiga. Sa ma fesili atu po o le a le meaalofa o le Aso o Tama o le a sili ona latou mananao i ai. Ona ma faatalanoaina lea o ni atalii se toafa i le aiga lautele ma fai atu ia i latou e faasoa mai ni tala e uiga i o latou tama. Sa ou fiafia e galue i lenei lomiga ona o tala malie uma sa faasoa mai.
E masani ona ou vaai i tagata o lo’u aiga lautele i le Tausaga Fou a Saina. Ae o le fatuina o se mekasini o talafaasolopito o aiga ua fesoasoani ou te iloa atili ai i latou. I le taimi muamua sa ou popole lava e talanoa i tagata o le aiga ou te le’i masani lelei ai. Ae i le aluga o taimi, sa sili atu ona faigofie ma malie. Ou te faafetai mo le aiga ua faamanuiaina ai a’u e le Tama Faalelagi.