Mai le Au Peresitene Sili

Faapotopotoina o Fanau a le Tama Faalelagi

Saunia e Peresitene Henry B. Eyring

Fesoasoani Lua i le Au Peresitene Sili

Sii mai le “Faapotopotoina o le Aiga o le Atua,” Liahona, Me 2017, 19–22.

Ae tatou te le‘i fananau mai, sa tatou ola uma faatasi ma le Tama Faalelagi. E alofa o Ia ia i tatou i se alofa atoatoa, ma o i tatou uma o uso ma tuafafine. Na saunia e le Tama Faalelagi se fuafuaga e fesoasoani ia mafai ai ona tatou avea faapei o Ia. Na Ia auina mai Iesu Keriso e fesoasoani ia i tatou e toe foi atu ia te Ia.

Ae o le toatele o fanau a le Tama Faalelagi e le iloa Lana fuafuaga. Latou te le iloa e uiga ia Iesu Keriso. Latou te le iloa e mafai ona papatisoina i latou pe faamauina i o latou aiga.

E finagalo le Tama Faalelagi ia tatou fesoasoani e faapotopoto mai Ana fanau ina ia mafai ona latou foi atu i le aiga ia te Ia. Ma e mafai ona e fesoasoani, e amata i ou tuaa.

O le a faafetai atu le Tama Faalelagi ia te oe mo le fesoasoani e faapotopoto Lona aiga.

O nisi nei o auala e mafai ona e fesoasoani ai e faapotopoto mai le aiga o le Tama Faalelagi:

• Sailiili i le talafaasolopito o lou aiga. Saili tagata o loo manaomia pea sauniga o le malumalu, e pei o le papatisoga ma le faamauga.

• Ia maua se pepa faataga o le malumalu pe a lava lou matua.

• Afai e te mafaia, fai papatisoga i le malumalu.

Faapotopotoina o Ou Tuaa

E mafai faapefea ona e fesoasoani i ou tuaa?

Ata na tusia e Josh Talbot