Pagpabiling Luwas sa Peligro diha sa Online
Ania ang pipila ka sugyot aron sa pagtabang kanimo nga mahimong maalamon sa online.
BUHATA: Magmatinahoron ug magmasundanon. Sayon ra ang pagpakaylap og pagkamaayo sa internet!
BUHATA: Gamita ang medya sa lugar nga dunay laing mga tawo. Kon gibati nimo nga duna kay usa ka butang nga itago, tingali kini dili maayo nga buhaton.
BUHATA: Sultihi ang ginikanan o usa ka kasaligan nga hamtong mahitungod sa bisan unsang mensahe, bidyo, o hulagway nga nakapahimo nimong dili komportable, nahadlok, o nabalaka.
BUHATA: Hinumdomi nga dunay talagsaong kalibotan sa gawas sa imong telepono o computer!
BUHATA: Paminaw sa Espiritu. Hinumdomi, ang Espiritu Santo “mopakita nganha kaninyo sa tanan nga mga butang nga kinahanglan inyong buhaton” (tan-awa sa 2 Nephi 32:5)—bisan sa online!
AYAW: Pagtubag sa bisan unsang daotan mga komentaryo, mga text, o mga mensahe. Mas maayo nga i-block, i-delete, o ibaliwala kini.
AYAW: Tuohi ang tanan nga imong nabasa o nakita. Dili tanan nga imong nakita sa online tinuod.
AYAW: I-chat o ipakigbahin ang mga litrato sa imong kaugalingon uban sa mga tawo nga dili pa nimo kaila sa tinuod nga kinabuhi.
AYAW: I-share ang personal nga impormasyon gawas kon ang ginikanan moingon og OK. Dili nimo kinahanglang ipakigbahin ang imong password, petsa sa pagkatawo, address, numero sa telepono, o bisan ang imong tibuok ngalan sa online.
Mga paghulagway pinaagi ni Kellan Stover