Kang Liv ug Melanie nga Magasin sa Pamilya
Ni Liv P., edad 8, Siyudad sa New Tapei, Taiwan
Kumusta sa tanan!
Ang akong ngalan mao si Liv. Ang akong edad otso anyos. Naghimo ko og tumong sa paghimo og family history. Ang akong mama naghunahuna nga kinahanglan kong maghimo og mga istorya sa akong pamilya ngadto sa usa ka magasin. Ang akong manghud nga babaye nga si Melanie ug ako ganahan sa ideya. Kinahanglan amo kining buhaton dayon.
Alang sa among isyu sa Hulyo, among nainterbyu ang mga miyembro sa pamilya kansang mga birthday sa Hulyo. Ania ang pipila ka mga pangutana: (1) Unsa man ang imong paborito ug dili kaayo paborito nga regalo sa birthday? (2) Unsa ang imong paborito nga lami sa cake sa birthday? (3) Unsa nga mubo pero makalingaw nga mga istorya sa kinabuhi nga imong maipakigbahin kanamo?
Dayon nagtrabaho kami sa Agosto nga isyu. Ang tema mao ang Adlaw sa Papa. Una among giinterbyu ang tanang papa sa among pamilya. Nangutana kami unsa nga regalo sa Adlaw sa Papa nga ilang ganahan kaayo. Dayon nag-interbyu kami og upat ka anak nga lalaki nga parente ug nangutana kanila sa pagpakigbahin og mga istorya bahin sa ilang mga papa. Ganahan kaayo kong nagtrabaho niini nga isyu tungod sa tanang kataw-anan nga mga istorya nga gipakigbahin.
Kasagaran makakita lang ko sa akong mga parente inig Bagong Tuig sa Insik. Apan ang paghimo og usa ka magasin sa family history nakatabang kanako nga mas makaila kanila og maayo. Sa sinugdanan mora kog gikuyawan makig-istorya ngadto sa mga miyembro sa pamilya nga dili kaayo nako kaila. Pagkadugayan, nahimo ra kining mas sayon ug gani makalingaw. Mapasalamaton ako alang sa pamilya nga gipanalangin kanako sa Langitnong Amahan.