Higala ngadto sa Higala
Dili Alkanse sa Kahayo
Ni Elder Alfred Kyungu
Sa Seventy
Gikan sa usa ka interbyo ni Richard M. Romney.
Dihay higayon sa akong pagkabata nga ang akong mga ginikanan walay kwarta aron ibayad sa akong pag-eskwela, mao nga mihunong ko pag-adto sa klase.
Usa ka tuig ang milabay, ang akong amahan miingon nga makabalik na ko sa pag-eskwela kon makakwarta mi og igo-igo gikan sa among uma. Kaming tanan nanarbaho og maayo. Human sa duha ka tuig nga paningkamot, nakahimo kami og igong kwarta aron makabalik ko og eskwela pag-usab.
Nagtudlo kini kanako nga ang edukasyon bililhon nga angay nga trabahoan. Importante ang pag-eskwela. Kon anaa kita sa eskwelahan, kinahanglan ka nga maningkamot og maayo ug magkat-on kutob sa mahimo.
Sa paglabay sa pila ka tuig, mipasakop ako sa Simbahan. Nakat-unan nako nga ang Ginoo nagtudlo usab kanato nga ang edukasyon importante. Ang mga kasulatan nagtudlo nga atong madala uban kanato sa kahangturan ang bisan unsa nga atong makat-onan dinhi niini nga kinabuhi (tan-awa sa Doktrina ug mga Pakigsaad 130:18–19).
Mapasalamaton ko nga nakat-on ko sa pagtrabaho og maayo aron makaangkon sa akong edukasyon. Ako nag-ampo nga matag usa kaninyo makaangkon sa tanang edukasyon kutob sa mahimo. Dayon makagamit kamo sa inyong nahibaloan aron sa pagtabang sa uban.
Paghulagway pinaagi ni Shellene Rodney