Gikan sa Unang Kapangulohan

Pagpundok sa mga Anak sa Langitnong Amahan

Ni Presidente Henry B. Eyring

Ikaduhang Magtatambag sa Unang Kapangulohan

Gipahiangay gikan sa Henry B. Eyring, “Pagpundok sa Pamilya sa Dios,” Liahona, Mayo 2017, 19–22.

Sa wala pa kita matawo, nagpuyo kitang tanan uban sa Langitnong Amahan. Gihigugma kita Niya uban sa hingpit nga gugma, ug kitang tanan managsoon. Ang Langitnong Amahan mihimo og plano aron tabangan kita nga molambo ug mahimong sama Kaniya. Siya mipadala ni Jesukristo aron pagtabang kanato nga makabalik ngadto Kaniya.

Apan kadaghanan sa mga anak sa Langitnong Amahan wala makahibalo mahitungod sa Iyang plano. Wala sila masayod mahitungod kang Jesukristo. Wala sila masayod nga sila mabunyagan o masilyo ngadto sa ilang mga pamilya.

Ang Langitnong Amahan gusto nga kita motabang sa pagpundok sa Iyang mga anak aron sila makabalik ngadto Kaniya. Ug makatabang kamo, magsugod sa inyong mga katigulangan.

Ang Langitnong Amahan mapasalamaton kaninyo sa pagtabang nga mapundok ang Iyang pamilya.

Ania ang pipila ka mga paagi nga makatabang kamo sa pagpundok sa pamilya sa Langitnong Amahan:

• Pagsiksik sa inyong family history. Pangitaa ang mga tawo kinsa nanginahanglan gihapon og mga ordinansa sa templo, sama sa bunyag ug pagsilyo.

• Pagkuha og rekomend sa templo kon igo na ang inyong pangidaron.

• Kon makahimo kamo, buhata ang mga bunyag sa templo.

Pagpundok sa Inyong mga Katigulangan

Unsaon nimo pagtabang ang imong mga katigulangan?

Mga paghulagway pinaagi ni Josh Talbot