2022
Ngaahi ʻEkitivitī ʻi he Haʻu, ʻo Muimui ʻIate Aú
Nōvema 2022

Ngaahi ʻEkitivitī ki he Haʻu, ʻo Muimui ʻIate Aú

Ako e folofolá pe fakahoko ha meʻa fakafiefia ʻi he efiafi ʻi ʻapí!

Taniela mo e ʻAna ʻo e Fanga Laioné

Spot illustrations. 1. Finger puppets from the biblical story of Daniel and the Lion's Den. Daniel, a couple of lions and an angel. 2. Photo of President Nelson at a pulpit. 3. Simple framed Old family photos. 4. Illustration of rock art of Daniel and whale.

Ki he Taniela 1–6

TalanoA: Naʻe lotu ʻa e palōfita ko Tanielá ʻi he ʻaho kotoa pē. Naʻe kākaaʻi ʻe ha kau tangata loto-kovi ʻa e tuʻí ke faʻu ha lao kovi. ʻE lī ki ha ʻana ʻo e fanga laioné ha taha pē naʻe lotu ki he ʻOtuá. Ka naʻe kei lotu pē ʻa Taniela ia. Naʻe lī ia ki he ʻana ʻo e fanga laioné, ka naʻe fekauʻi mai ʻe he ʻOtuá ha ʻāngelo ke maluʻi ia. (Vakai, Taniela 6.)

Hiva: “Te u Moʻui ʻAki e Kosipelí” (Tohi Hiva ʻa e Fānaú, 72)

ʻEkitivitī: Kosi ʻo toʻo e fanga kiʻi fakatātā louhiʻinima he peesi 17 pea fakaʻaongaʻi ia ke fakahoko ʻaki e talanoa ʻo Taniela mo e ʻana ʻo e fanga laioné. Ko e hā ʻoku lelei ai ke lotú?

Naʻe Toetuʻu ʻa Sīsū

Spot illustrations. 1. Finger puppets from the biblical story of Daniel and the Lion's Den. Daniel, a couple of lions and an angel. 2. Photo of President Nelson at a pulpit. 3. Simple framed Old family photos. 4. Illustration of rock art of Daniel and whale.

Ki he Hōsea 1–6; 10–14; Sioeli

TalanoA: Ko Hōseá ko ha palōfita. Naʻá ne akoʻi ʻe pekia ʻa Sīsū Kalaisi pea toetuʻu. Naʻe malava heni ke tau toe moʻui ai. (Vakai, Hōsea 13:14.)

HivA: “Naʻe Toetuʻu Nai ʻa Sīsū?” (Tohi Hiva ʻa e Fānaú, 45)

ʻEkitivitī: Koeʻuhí naʻe toetuʻu ʻa Sīsū Kalaisi, te tau toe moʻui kotoa pē ʻi ha ʻaho. Kumi ha ngaahi tā ‘o e kau mēmipa ʻo e fāmilí kuo pekiá. Vahevahe ha ngaahi talanoa fekauʻaki mo kinautolu.

Ko e hā e Lea ʻa e Palōfitá?

Spot illustrations. 1. Finger puppets from the biblical story of Daniel and the Lion's Den. Daniel, a couple of lions and an angel. 2. Photo of President Nelson at a pulpit. 3. Simple framed Old family photos. 4. Illustration of rock art of Daniel and whale.

Ki he ʻĀmosi; ʻOpataia

TalanoA: Naʻe akonaki ʻa e palōfita ko ʻĀmosí, “Ko e moʻoni ʻe ʻikai fai ha meʻa ʻe [he ʻEiki] ko e ʻOtuá, kae taʻe fakahā ia ki heʻene kau tamaioʻeiki ko e kau palōfita” (ʻĀmosi 3:7). ʻOku ʻuhinga ia ʻoku folofola mai ʻa Sīsū Kalaisi ki Heʻene kau palōfitá he ʻahó ni.

HivA: “Fakamālō ki he ʻOtua,” (Ngaahi Himí, fika 10).

ʻEkitivitī: Lau ʻa e meʻa naʻe lea ʻaki ʻe he palōfitá ʻi he konifelenisí ʻi he peesi 2. Ko e hā naʻá ne talamai kiate kitautolú? Tā ha fakatātā ʻo fakahaaʻi ai e ngaahi meʻa naʻá ne akoʻí.

Ko Siona mo e Fuʻu Ika Lahí

Spot illustrations. 1. Finger puppets from the biblical story of Daniel and the Lion's Den. Daniel, a couple of lions and an angel. 2. Photo of President Nelson at a pulpit. 3. Simple framed Old family photos. 4. Illustration of rock art of Daniel and whale.

Ki he Siona; Maika

TalanoA: Naʻe ui ʻe he ʻEikí ʻa Siona ke akoʻi e kakai ʻo Ninivé. Ka na‘e ilifia ʻa Siona. Naʻá ne hola. Naʻe folo ia ʻe ha fuʻu ika lahi! Hili ha ʻaho ʻe tolu, naʻe puʻaki ia ʻe he iká ki tuʻa. Naʻe fakatomala ʻa Siona pea akoʻi ʻa e kakaí. (Vakai, Siona 1–4.)

HivA: “Muimui He Palōfitá” (Tohi Hiva ʻa e Fānaú, 58–59, veesi 7)

ʻEkitivitī: Hū ki tuʻa ʻo kumi ha ngaahi foʻi maka, lauʻi ʻakau, pe vaʻakau. Fakaʻaongaʻi ia ke tā ʻaki ha fakatātā ʻo Siona mo e fuʻu ika lahí!

Ngaahi tā fakatātā ʻa Katy Dockrill