Ngaahi Nima Fie Tokoni ‘i he funga ʻo e Māmaní
Feʻiloaki mo Kaumoni mei Lepanoni
Fe‘iloaki mo ha fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.
Ngaahi me‘a kotoa fekauʻaki mo Kaumoní
Taʻu motuʻá: 8
Mei: Sīlia ka ʻoku lolotonga nofo ʻi Lepanoni
Ngaahi Lea Fakafonuá: Faka-ʻAlepea, Faka-Pilitānia
Ngaahi taumuʻá mo e ngaahi fakaʻānauá: 1) ʻAʻahi ki he temipalé. 2) Hoko ko ha tokotaha ʻaati. 3) Ngāue fakafaifekau.
FāmilI: ʻOku ʻi ai ha ongo taʻokete ʻo Kaumoni mo hano tuongaʻane lahi.
Ko e Nima Fie Tokoni ʻo Kaumoní
ʻOku nofo ʻa Kaumoni mo ʻene faʻeé ʻi Lepanoni, ka naʻá na nofo kimuʻa ʻi Sīlia. Ko honau kaungāʻapí foki mei Sīlia. ʻI Tīsema ʻo e taʻu kuo ʻosí, naʻe fie fakahoko ai ʻe Kaumoni ha meʻa lelei maʻanautolu. ʻI he ʻaho kotoa pē ʻo aʻu ki he Kilisimasí, naʻe fakatau mai ʻe Kaumoni ha kiʻi meʻa siʻisiʻi ʻe taha mei falekoloa. Naʻá ne faʻo kotoa ia ki ha puha. Hili ha ʻaho ʻe 25, naʻe fonu e puhá. ʻI he ʻAho Kilisimasí, naʻe ʻave ʻe Kaumoni ʻa e puhá ki hono kaungāʻapí. Naʻa nau houngaʻia ʻaupito! ʻOku pehē ʻe Kaumoni naʻe tokoniʻi ia ʻe heʻene ngāue tokoní ke ne manatuʻi ʻa e ngāue naʻe fai ʻe Sīsū Kalaisí. ʻOku pehē ʻe Kaumoni, “ʻI heʻetau fakahaaʻi ʻa e ʻofá ki he niʻihi kehé, ʻoku tau ongoʻi ai e ʻofa ʻa e ʻOtuá.”
Ngaahi Meʻa ʻOku Manako Taha ai ʻa Kaumoní
FeituʻU: Ko e matātahí
Talanoa kau kia Sīsuú: ʻI he ʻaʻeva ʻa Sīsū ʻi he fukahi vaí
Hiva Palaimelí: “ʻOku ʻOfa ʻEku Tamai Hēvaní ʻIate Au” (Tohi Hiva ʻa e Fānaú, 16–17)
MeʻakaI: Nūtolo, ʻaisikilimi
LanU: Lanu vāleti maama
Lēsoni he Akó: Saienisí
Ngaahi tā fakatātā ʻa Svetla Radivoeva