Ngaahi Fakamatala ʻo e Konifelenisí

ʻE Lava ʻa e Taha Kotoa ʻo Tokoni

Naʻe vahevahe ʻe Palesiteni ʻOakesi ʻa e talanoa ʻo ha tangata ko Hono hingoá ko Misa Kepueli, ʻa ia naʻá ne tokoniʻi ha fānau kumi hūfanga ʻe lauiafe. Naʻá ne faʻu ha “ngaahi ʻapiako he lalo ʻakaú,” ʻa ia naʻe fakatahataha mai ki ai e fānaú ki ha ngaahi lēsoni ʻi he malumalu ʻo e ʻuluʻakaú. ʻI heʻene vakai ki ha fiemaʻú, naʻá ne tokoni! ʻOku ueʻi ʻe he ʻOtuá ha kakai tokolahi hangē ko Misa Kepuelí ke nau fai ha ngāue lelei.

ʻOku akoʻi au ʻe he meʻá ni:

Ko Hono Vahevahe ʻo e Tohi ʻa Molomoná

Naʻe fakamatala ʻa ʻEletā Lasipeni fekauʻaki mo e founga naʻe ʻoange ai ʻe he palōfitá ha tatau ʻo e Tohi ʻa Molomoná ki ha tuʻi ʻi Kana. Naʻe lau fakataha ʻa Palesiteni Nalesoni mo e tuʻí fekauʻaki mo Sīsū Kalaisi ʻi he 3 Nīfai 11. Naʻe pehē ʻe he tuʻí naʻe mahuʻinga ange ʻa e tohí ʻi ha taiamoni pe maka koloa koeʻuhí he naʻe akoʻi lahi ange ai ia fekauʻaki mo Sīsū.

ʻOku akoʻi au ʻe he meʻá ni:

Ko Sīsū ʻa e Talí

Naʻe talanoa ʻa ʻEletā ʻOloseni fekauʻaki mo hono ʻilamutu ko Nasí. Naʻá na ngāue fakataha mo e maʻu ʻe Nasi ha fakakaukau lelei ke fakaleleiʻi ʻaki ha palopalema. Naʻe fehuʻi ange ʻe ʻEletā ʻOloseni kia Nasi pe naʻe ange fēfē ʻene fuʻu poto peheé. Naʻe tali ange ʻe Nasi, “Sīsū.” Ko Sīsū Kalaisi ʻa e tali ki heʻetau ngaahi palopalemá kotoa.

ʻOku akoʻi au ʻe he meʻá ni:

Matasioʻata ke Mamata

Naʻe pehē ʻe Sisitā Palauni ʻokú ne fiemaʻu ha matasioʻata ke tokoni ki heʻene sió. ʻI he pongipongi kotoa pē, ko e ʻuluaki meʻa pē ʻokú ne faí ko e ala ki hono matasioʻatá. Naʻá ne fakamatala ki he founga ʻokú ne fiemaʻu ai ʻa Sīsū Kalaisi he ʻaho kotoa pē ʻi he founga tatau ʻokú ne fiemaʻu ai hono matasioʻatá. ʻOku talaʻofa mai e Fakamoʻuí te Ne fakahinohino mo tataki kitautolu ʻi he taimi ʻoku tau tuku ai ha taimi Maʻaná.

ʻOku akoʻi au ʻe he meʻá ni: