“Tokanga Taha ki he Temipalé,” Kaumeʻa, Nōvema 2022, 2–3.
Ko ha Pōpoaki Konifelenisi mei he Palōfitá
Tokanga Taha ki he Temipalé
Toʻo mei he “Tokanga Taha ki he Temipalé,” Liahona, Nōvema 2022.
Tā fakatātaaʻi ʻo e temipalé ʻe Bailey Rees; peesi valivalí naʻe tā ʻe Bryan Beach
Naʻá ku toki mamata kimuí ni mo Sisitā Nalesoni ʻi he ngaahi vitiō foʻou ʻo e Tohi ʻa Molomoná. Naʻe ʻasi ʻi ha taha ʻo e ngaahi vitioó ʻa e hā ʻa e Fakamoʻuí ki he kau Nīfaí. Naʻá ne folofola, “Vakai, ko au ko Sīsū Kalaisi … Ko au ko e maama mo e moʻui ʻa e māmaní” (3 Nīfai 11:10–11).
ʻOku mahuʻinga ʻa e hā ʻa e Fakamoʻuí ki he kakai ʻi he temipalé. Ko Hono falé ia. ʻOku fonu ia ʻi Hono mālohí.
ʻOku fakavaveʻi ʻe he ʻEikí ʻa hono langa ʻo e ngaahi temipalé. Koeʻuhí ke tokolahi ange ʻa e kakai te nau lava ʻo ʻalu ki aí. ʻOku ou palōmesi atu he ʻikai ha toe meʻa te ne lava ʻo faitāpuekina lahi ange ʻa e kakaí ʻi he ʻalu ko ia ki he temipalé.
Naʻá ku fanongonongo ʻi he konifelenisí ha toe temipale ʻe 18. ʻI ha ngaahi kolo lalahi ʻe niʻihi, ʻoku fuʻu mamaʻo e fononga ʻa e kakaí ki he temipale ʻi honau koló. Ko ia te tau langa ha ngaahi temipale ʻi ha niʻihi ʻo e ngaahi kolo lalahi ko ʻení. ʻE langa ha temipale foʻou ʻe fā ofi ki Mekisikou Siti.
Siʻoku kāinga ʻofeina, fakatauange ke tukutaha homou tokangá ki he temipalé ʻo lahi ange ʻi ha toe taimi kimuʻa. ʻOku ou tāpuekina kimoutolu ke mou ofi ange ki he ʻOtuá mo Sīsū Kalaisi ʻi he ʻaho kotoa pē. ʻOku ou ʻofa atu. ʻOfa ke ʻiate kimoutolu ʻa e ʻOtuá kae ʻoua ke tau toe feʻiloaki.
Ko e ʻAʻahi ʻa Sīsū ki he Kakai Nīfaí
Naʻe hā ʻa e Fakamoʻuí ki he kau Nīfaí ʻi he temipalé koeʻuhí ko Hono falé ia. ʻOku tāpuakiʻi kitautolu ʻe he ʻOtuá ʻaki ha ngaahi temipale lahi ange ke fakamālohia mo maluʻi kitautolu.