Ongoongo ‘o e Konifelenisí

Ngaahi Kupuʻi Lea ʻo e Konifelenisí

“ʻOku ʻafioʻi fakaikiiki ʻe he Fakamoʻuí hoʻo ngaahi faingataʻaʻiá. ʻOkú Ne ʻafioʻi e meʻa lahi te ke malavá ke tupulaki ai ʻi he tuí.”

Palesiteni Henry B. Eyring, Tokoni Ua ʻi he Kau Palesitenisī ʻUluakí

“ʻI he taimi ʻoku ʻi ai haʻo ngaahi fili mahuʻinga ke fakahokó, ko e fili lelei tahá ʻa Sīsū Kalaisi mo ʻEne ongoongolelei kuo fakafoki maí.”

ʻEletā Dieter F. Uchtdorf ʻo e Kōlomu ʻo e Kau ʻAposetolo ʻe Toko Hongofulu Mā Uá

“Ko e taha kotoa pē ʻi he māmani ko ʻení ko e fānau ʻa e ʻOtuá pea ʻokú Ne ʻofa ki he tokotaha takitaha.”

Sisitā J. Anette Dennis, Tokoni ʻUluaki ʻi he Kau Palesitenisī Lahi ʻo e Fineʻofá

Ngaahi Temipale ʻi he Funga ʻo e Māmaní

ʻE ʻi ai ha ngaahi temipale ʻi he konitinēniti ʻe 6 pea ʻi ha fonua ʻe 74!

• Lolotonga ngāue ha 168

• +53 ʻoku lolotonga langa

• +5 ʻoku fakaleleiʻi

• +74 kuo fanongonongo

• = ngaahi temipale fakakātoa ʻe __________

Tokoni ʻi he Filí

ʻOku ʻi ai ha kiʻi tohi foʻou maʻá e toʻu tupú! ʻOku ui ko e Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí. Ko e hā ʻokú ne tokoniʻi koe ke fai ha ngaahi fili ʻoku leleí?

Ko e Fengāueʻaki mo e Niʻihi Kehé

ʻI he 2021, naʻe foaki ʻe he Siasí ha paʻanga ʻe 906 miliona kiate kinautolu naʻe faingataʻaʻiá pea fakaʻaongaʻi ha houa ʻe 6 miliona ke tokoniʻi e kakai ʻi ha ngaahi fonua kehekehe ʻe 188. ʻOku faʻa fengāueʻaki e Siasí mo e niʻihi kehé ke tokoniʻi ha kakai tokolahi!

Ngaahi Kuaea Konifelenisí

Faitaaʻi ʻe Cristy Powell

Naʻe hiva ʻa e fānau mo e toʻu tupu mei ʻIutā, ʻIunaiteti Siteiti ʻo ʻAmeliká, ʻi ha kuaea. Naʻe ʻi ai ha kuaea ʻe taha ne hiva ai e kau faifekau mei he akoʻanga fakafaifekaú mo ha kau faifekau ngāue tokoni. Ko e foʻi hiva palaimeli ʻe fiha naʻe hiva ʻe he ngaahi kuaeá ʻi he konifelenisí?

Ngaahi Talí: temipale ʻe 300; hiva Palaimeli ʻe 3 (“Fanongo ko e ʻEiki ʻoku Ui,” “ʻOku Moʻui Hoku Huhuʻí,” mo e “ʻOku ʻOfa ʻEku Tamai Hēvaní ʻIate Au”)