« កំណត់ចំណាំសន្និសីទ » ប្រិយមិត្ត ខែ សីហា ឆ្នាំ ២០២២ ទំព័រ ៥ ។
កំណត់ចំណាំសន្និសីទ
មនុស្សគ្រប់គ្នាអាចបម្រើបាន
ប្រធាន អូក បានចែកចាយដំណើររឿងអំពីបុរសម្នាក់ដែលមានឈ្មោះថា លោក ហ្គាព្រីយ៉ែល ដែលបានជួយកុមារអន្ដោវេសន៍រាប់ពាន់នាក់ ។ លោកបានបង្កើត « សាលារៀនដើមឈើ » ជាកន្លែងដែលកុមារបានប្រមូលផ្តុំគ្នារៀននៅក្រោមម្លប់ដើមឈើ ។ នៅពេលលោកបានឃើញថាមានតម្រូវការ នោះលោកបានជួយ ! ព្រះបានបំផុសគំនិតមនុស្សជាច្រើនដូចជា លោក ហ្គាព្រីយ៉ែល ឲ្យធ្វើការណ៍ល្អ ។
ការណ៍នេះបង្រៀនខ្ញុំ ៖
ការចែកចាយព្រះគម្ពីរមរមន
អែលឌើរ រ៉ាសបាន បានតំណាលអំពីរបៀបដែលព្យាការីបានថ្វាយព្រះគម្ពីរមរមនមួយក្បាលដល់ស្ដេចនៅប្រទេសហ្គាណា ។ ប្រធាន ណិលសុន និងស្ដេចបានអានអំពីព្រះយេស៊ូវគ្រីស្ទនៅក្នុង នីហ្វៃទី៣ ១១ ជាមួយគ្នា ។ ស្ដេចបានមានបន្ទូលថា គម្ពីរនេះមានតម្លៃជាងពេជ្រ ឬត្បូងទទឹមទៅទៀត ដោយសារវាបានបង្រៀនទ្រង់បន្ថែមទៀតអំពីព្រះយេស៊ូវ ។
ការណ៍នេះបង្រៀនខ្ញុំ ៖
ចម្លើយគឺព្រះយេស៊ូវ
អែលឌើរ អូលសិន បានថ្លែងអំពីក្មួយប្រុសរបស់លោកឈ្មោះ ណាស្ស ។ ពួកគាត់បានធ្វើការរួមគ្នា នៅពេល ណាស្ស បានមានគំនិតដ៏អស្ចារ្យមួយដើម្បីដោះស្រាយបញ្ហា ។ អែលឌើរ អូលសិន បានសួរ ណាស្ស ថាម៉េចបានជាគាត់ឆ្លាតម្ល៉េះ ។ ណាស្ស បានឆ្លើយថា « ព្រះយេស៊ូវ » ។ ព្រះយេស៊ូវគ្រីស្ទគឺជាចម្លើយចំពោះបញ្ហាទាំងអស់របស់យើង ។
ការណ៍នេះបង្រៀនខ្ញុំ ៖
វ៉ែនតាដើម្បីមើលឃើញ
ស៊ីស្ទើរ ប្រោនីង បានពោលថា គាត់ត្រូវការវ៉ែនតាដើម្បីជួយគាត់ឲ្យមើលឃើញ ។ រាល់ព្រឹក រឿងដំបូងគេដែលគាត់ធ្វើ គឺឈោងទៅយកវ៉ែនតារបស់គាត់យកមកពាក់ ។ គាត់បាននិយាយអំពីរបៀបដែលគាត់ត្រូវការព្រះយេស៊ូវគ្រីស្ទជារៀងរាល់ថ្ងៃ តាមរបៀបដូចគ្នាដែលគាត់ត្រូវការវ៉ែនតារបស់គាត់ដែរ ។ ព្រះអង្គសង្គ្រោះសន្យាថានឹងដឹកនាំ ហើយណែនាំយើង នៅពេលយើងមានពេលវេលាសម្រាប់ទ្រង់ ។
ការណ៍នេះបង្រៀនខ្ញុំ ៖