Itok, Ļoor Eō M̧akūtkūt ko
N̄an nokon in jota, ekkatak jeje ko rekwojarjar, ak n̄an baj kam̧ōņōņō!
Ejjeļo̧k Men En Epen!
Bwebwenato: Elisabet im Zakeraias rekar kōņaan juon nejier ajri, ak Elisabet ekar lukkuun rūtto. Juon raan, juon enjeļ ekar ba n̄an Zacharias bwe enaaj wōr juon nejier ļaddik! Ļaddik eo nejier enaaj Jon Ripeptaij. Elisabet im Zakeraias rekar jeļā ilo Anij, ejjeļo̧k men epen. (Lale Luk 1:11–14, 37.)
Al: “A Child’s Prayer” (Children Songbook,12–13)
M̧akūtkūt: Kajjieon̄ jerbal in! “ejjeļo̧k men en epen” M̧okta, kubōl addin ņe io̧lap in peim̧. Innām lelaļļo̧k peiūm̧ n̄an ioon juon tebōļ, lọpiden peiūm̧ en jitlaļļo̧k. Kiiō kajjieon̄ in kotak addii in riin̄ eo. Innām kajjitōk ippān juon armej n̄an kotake n̄an kwe. Elmen an Jemedwōj Ilan̄ jipan̄ kwe kōm̧m̧ane juon men ilo lale epen kōm̧m̧ane?
Juon Tieta Bwebwenato
Bwebwenato: Jisōs Kraist ekar ļotak ilo jikin m̧ōn̄ā an kidu ilo bukwōn in Betleem. Rilale siip ro, enjeļ ro, im Rimālōtlōt ro rekar itok n̄an lale E. Kwomaron̄ riit eļapļo̧k kōn Rimālōtlōt ro ilo peij 46.
Al: “Jesus Once Was a Little Child” (Children’s Songbook, 55)
M̧akūtkūt: Kajjojo ren bōk koņaer n̄an kwaļo̧k juon bwebwenato kōn ļotak eo an juon iaan membōr in baam̧le eo am̧. Kwomaron̄ kōnnaan kōn ia eo rekar ļotak ie, n̄āāt eo rekar ļotak, wōn ro jineer im jemāer, ak jabdewōt men ko kwojeļā kōn ļotak ko aer.
Meram eo Em̧ool
N̄an Jon 1
Bwebwenato: Jisōs Kraist jet iien ņae etan “Meram e m̧ool,” (Jon 1:9). Jeje ko rekwojarjar rej katakin bwe jej aikuj kōjparok kien ko An im ļoor E. Innām jenaaj wōr “kajoor n̄an erom̧ ļaddik ro [im leddik ro] nejin Anij” (Jon 1:12).
Al: “Jesus Is My True Light” (peij 23)
M̧akūtkūt: Jin̄a juon pija in juon kōttōpar eo ewōr ippam̧. Kōtļo̧k bwe juon armej en ņooje pija eo am̧ juon jikin ilo ruum̧ eo im kune tōm̧a ko. Kiiō bōke juon tōm̧a edik im kōmerame ipeļaakin ruum̧ eo. Kwomaron̄ ke loe pija eo kiiō? Kōnnaan kōn ewi wāween an Jisōs Kraist maron̄ jipan̄ kwe tōpar kōttōpar ko am̧.
Iaļ in Bujen Eo
Bwebwenato: Jisōs Kraist ekar etal ippān Jon Ripeptaij n̄an peptaij bwe E en maron̄ “kam̧ool em̧m̧an otemjej” (Matu 3:15). Jisōs Kraist ekar peptaij bwe en kwaļo̧k waanjon̄ak in pokake Jemedwōj Ilan̄. Jemaron̄ ļoor Jisōs ilo ad peptaij barāinwōt!
Al: “Come, Follow Me” (Hymns, no. 116)
M̧akūtkūt: Etal n̄an peij 9 n̄an ekkatak kōn iaļ in bujen eo. Innām kōm̧m̧ane m̧akūtkūt eo. Ilo peij in kajjojo allōn̄, kwonaaj ekkatak kōn juon kōjeraam̧m̧an n̄an kwe ilo am̧ ļoore iaļ eo n̄an bar ro̧o̧l ippān Jemedwōj Ilan̄!
Kōmeļeļe ko jān Katy Dockrill