Jutak kōn Jisōs

Jān Mikaela Wilkins

(Pedped ioon juon bwebwenato em̧ool)

David ekar ikūm̧kūm̧ in ajeej kwojkwoj eo kar jinoin tata.

Panel 1 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

David ear jijōt ilo jea eo im̧aan tata ilo m̧ōn jar eo im kam̧akūtkūt neen. Ekar ikūm̧kūm̧. Ej kab m̧ōj an etal jān Būraimere im erom̧ juon tikōn. Ļaddik ro rerūtto rej tin kwaļo̧k n̄an David im ļaddik ro 11 aer iiō elmen kilen ajeej e kwojkwoj eo.

Nan̄inmej in autism eo an ekar jet iien kōm̧m̧an bwe en pen n̄an e n̄an ekkatak men ko rekāāl. Em̧m̧akūt jān Būraimere ekar pen n̄ān e. Im kiiō ajeeje kwojkwoj eo ekar lukkun pen n̄ane. N̄e ebaj bōd im aolep renej kajirere kake?

Jacob, juon iaan ļaddik ro rerūtto, ekar jijōt tūrin David. “Jelukkuun m̧ōņōņō am̧ pād ippem̧,” Jacob ekar ba. Ekar high five i David. “Enej em̧m̧an am̧ kōm̧m̧ane.”

David eaar ettōn̄dikdik. Menin ekar kōm̧m̧an an em̧m̧anļo̧k an mour.

Doulul eo an ļaddik ro jet rekar rekar kwaļo̧k n̄an 11 iiō ro ta eo n̄an kōm̧m̧ane. Rekar kwaļo̧k n̄an er ia eo n̄an etal ie ļo̧k im jea ko n̄an ajeej n̄ane. Rekar kamālmel etetal ilo aeeļ ko ilo m̧ōn jar eo. Rekar kwaļo̧k n̄an ļaddik ro elmen jibwe tray in kwojkwoj ko.

“Mama, lale!” David ekar ba ke ej ro̧o̧l. Ekar kajutak pein. “En̄in ej wāween ad jibwe tray eo. Kōkōm̧anm̧an, kain in. Kōnke ikōņaan jutak kōn Jisōs, im ikōņaan kwaļo̧k aō kautiej.”

Doulul eo an ļaddik ro rekar kamālmel ippān David im ļaddik ro jet ālkin jar ilo Jabōt ko im ilo m̧akūtkūt ko in jota ilo weekday. Rej etetal ilo ijoko rej aikuj kar etal ie. David ej kamālmel jibwe tray eo.

Ejjab to, raan eo ekar itok n̄an an naaj kar ajeej kwojkwoj eo ej kab kein kajuon.

“Ewi am en̄jake kōn menin?” Jemān ekar kajjitōk.

“Ikumkum,” David ekar ba.

“Jen kōnnaan kōn ta ko kwar kōm̧m̧ane n̄an kōppopo,” Baba ekar ba.

“Ekwe, jekar riiti jeje ko rekwojarjar kōn priesthood āinwōt juon baam̧le,” David ekar ba. “Kabwijer priesthood eo ej meļeļein ke ij jutak kōn Jisōs. Ij jepe aki in peiū bwe en aiboojoj. Im ekar ļap aō kamālmel!”

“Ij ļōmņak kopojak,” Baba ekar ba.

Ke ekar tōpar jikin jar, David ekar jijōt ilo jea eo m̧aan ippān tikōn ro jet. Jacob ekar jijetļo̧k iturin. David ekar ļōmņak kōn wāween an nej jutak kōn Jisōs eļan̄n̄e enaaj ajeej e kwojkwoj eo. Ñe ebōd wōt an kōm̧m̧ane? Ekar kalimjōk Jacob, im Jacob ekar ettōn̄dikdik n̄an e. David ekar bar ettōn̄dikdik ļo̧k im bōk kūtwōn.

Ke ekar iien ajeej e kwojkwoj eo, Jacob ekar jipan̄ David ajeej e tray ilo jea ko jinoin tata. David ekar em̧ōņōņō bwe ekar wōr juon armej ippān.

Panel 3 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

David ear kalimjōk armej ro ilo an ajeej e kwojkwoj eo. Elōn̄ iaer rekar jijōt ilo aer jilļo̧k kōn kauteij. Jet rekar ļōmņak. David ekar en̄jake aeņōm̧m̧an. Ekar jutak kōn Jisōs. Ekar kam̧m̧oolol bwe emaron̄ jipan̄ ro jet ļōmņak kōn Jisōs Kraist.

Bwebwenato in ekar bōk jikin ilo USA.

Page from the January 2023 Friend Magazine. Representing Jesus

Kōmeļeļe jān Donald Wu