Keememej ippān Bubu

Jān Jane McBride

(Pedped ioon juon bwebwenato em̧ool)

Etke Mari ejjab kar kijenmej ippān Bubu?

Panel 1 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Mari ekar kajememe. Bubu ekar kwaļo̧k ejja bwebwenato eo wōt. Bar juon allen.

Bubu ekar itok n̄an jokwe ippān baam̧le eo an Mari jejjo allōn̄ remootļo̧k. Mari ekar iakwe e, ak jet iien Bubu ekar kamōkmōk. Ekar kwaļo̧k ejja bwebwenato ko wōt ellōņ allen. Jet iien ej bar jino jān jinoin m̧okta jān an kamōj bwebwenato eo ej kwaļo̧k.

Mari ekar bōk kūtwōn. “Bubu,” ekar ba, “em̧ōj am̧ kar kwaļo̧k bwebwenato ņe.”

Bubu ekar reilaļļo̧k. “Ikar ke?”

“Aaet,” Mari ekar ba. “Kwar ba tok n̄an n̄a jejjo minit emootļo̧k.”

“Ijjab keememej,” Bubu ekar ba. Ekar būromōj im pok. Im ekar jutak im jorjor n̄an ruum eo an.

Mari ekar būromōj bwe ekar kainepata Bubu. Ālkin an Jimma mej, Bubu ekar jino lapļo̧k im lapļo̧k an emmelele. Juon iien ekar meļo̧kļo̧k in kunne jitoop eo, im ekar uruur kijeek ilo jikin ko̧m̧m̧an m̧ōn̄ā eo an. Ej iien eo in M̧am̧a im Baba rekar boktok Bubu bwe en jokwe ippām.

Mari ekar loe Baba ilo jikin m̧ōn̄ā eo. “Ilukkuun iakwe Bubu, ak imōk in ron̄ ejja bwebwenato ko wōt. Etke ejjab keememej ke em̧ōj an kwaļo̧k ejja bwebwenato eo wōt n̄an n̄a emaron̄ kepaak lemnōul milien kōttan?”

Jemān ekar ettōn̄ dikdik. “Āinwōt ij ba ejjab lemn̄ōul milien kōttan. Ak ijeļā ke epen. Bubu eo am̧ ewōr an nan̄inmej ilo kemlij eo an im ekōm̧m̧an bwe en meļo̧kļo̧k men ko. Bwebwenato ko an ej wāween an kajjieon̄ keememej wōn e.”

Mari ekar jook. Etke ekar jab kijenmej eļapļo̧k ippān Bubu? Bubu aolep iien ej kōm̧m̧an n̄ane ilo iakwe. Ej ņae etan “aō Mari.” Mari ej ļōmņak kōn iien ko ej jipan̄ Bubu ekkat wūt im joļo̧k ujooj ko ilo jikin kallip eo.

Mari ekar kaļļaļal ilo kōjem eo an Bubu.

“Delo̧n̄ tok,” Bubu ekar ba.

Mari ekar kōppelļo̧k kōjem̧ eo. Bubu ekar jijōt ilo juon jea kōn jeje ko rekwojarjar ioon neen.

“Bubu, kwomaron̄ ke ba n̄an n̄a elmen am̧ im Jimma kar kobatok ilo Kabun̄ in?” Mari eaar kajjitōk.

Bubu ekar reilōn̄tak. “Kwokōņaan ron̄ kōn Jimma im n̄a?” ekar kajjitōk ilo juon anikien kōjatdikdik.

Mari ekar jijōt tūrin Bubu. “Ikōņaan. Ikōņaan ron̄ aolep men.” Mari ekar jibwe pein jibwin. “Kolukkuun jenoļo̧k im aurōk ippa, Bubu. Kwonaaj aolep iien.”

Panel 3 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Bubu ekar etton̄ dikdik, okjak likļo̧k ilo jea eo an, im jino kwaļo̧k bwebwenato eo.

Mari ekar ron̄ bwebwenato in elōn̄ kōttan, ak iien in, ekar jab matōrtōr ak kijoroor. Ijjeļo̧kin, ekar en̄jake iakwe im itok limo. Ekar jeļā bwe Bubu im Jimma rekar en̄taan kōn elōn̄ men ko ke rekar kobatok ilo Kabun̄ in ilo Germany. Bubu im Jimma eo an rekar em̧m̧akūt etoļo̧k jān ijjo jikier bwe ren jokwe iturin membōr ro jet an Kabun̄ in.

Bubu ekar kamōj bwebwenato eo im etton̄ dikdik. “Kwoj juon leddik em̧m̧an, aō Mari.”

Mari ekar bakuji Bubu. “Kom̧m̧ool, Bubu. Ij iakwe eok.”

Page from the January 2023 Friend Magazine. Remembering with Grandma