Lukkuun Ļap Kōwaron̄ron̄!
Aolep men rekar kōwaron̄ron̄. Ia eo Luke emaron̄ loe aenōm̧m̧an?
Luke ekar elotaan. Aolep men rekar kōwaron̄ron̄. Ļaddik ro jein im jatin, Tadd im John, rekar bar akweel. Aaet bar jān hall eo, emaron̄ ron̄ aer elamōjmōj jān kōjem in ruum̧ eo aer. Im leddik eo jein, Lizzie, ekar bar kōļapļo̧k kōjan̄jan̄ eo an. Thump. Thump. Thump. Emaron̄ ron̄ ainikien biit eo ilo ņoot ko rettā.
Luke ekar kajjieon̄ kajjitōk ippān bratōr ro an n̄an bōjrak. “Etal jān jone,” Tadd ekar ba n̄ane. Innām Luke ekar kajjitōk ippān Lizzie n̄an kadikļo̧k kōjan̄jan̄ eo an. Ej kab baj kōļapļo̧k wōt ainikien kōjan̄jan̄ eo.
Luke ekōņaan kar etal n̄an nabōj ijo emaron̄ kōļmenļo̧kjeņ ie. Bōtaab ekar wōt.
Bōtaab, ekar wōr juon jikin Luke emaron̄ kar etal n̄ane. Innem jinen im jemān rekar leļo̧k juon make an ruum—ruum eo im ejjab aikuj in kar kōjerbale ippān Tadd im John. Ekar pād ilo tulaļ in m̧weo. Ebwe jon̄an kilep eo an n̄an juon beet im juon tabōl. Ak ilo ruum eo an Luke emaron̄ kilōke kōjem eo im etal jān kawaron̄ron̄ eo.
Luke ekar waļalļo̧k n̄an ruum eo an ekāāl. Ekar reito reitak n̄an bo̧o̧k ko ekar bōk laļtak kar m̧okta. Ekar loe pijaān Jisōs ekar waļo̧ktok jān juon bo̧o̧k. Luke ekar bōk pija eo ilo raan eo ekar peptaij. Aolep iien an kalimjōke ekar en̄jake aeņōm̧m̧an.
Luke ekar bōke pija eo jān lowaan bo̧o̧k eo. Ekar likūti ioon table eo. Innām ekar bukeļōļō im jar. “Jemedwōj Ilan̄,” Luke ekar ba, “jet iien elukkuun kawaron̄ron̄ ijin. Jouj im jipan̄ n̄a kappukot aeņōm̧m̧an.”
Luke ekar babu ioon beet eo an. Ekar ļōmņak eo an kōn Jisōs. Ekar katak ilo Primary bwe Jisōs ekar aolep iien epaake. Im Jetōb Kwojarjar ekar maron̄ bōktok aeņōm̧m̧an aolep iien.
M̧ōttan jidik Mama im Baba renaaj ro̧o̧l tok jān jikin jerbal. Renaaj kōnnaan n̄an Tadd im John. Akweel eo enaaj bōjrak. Ilo jidik iien. Renaaj kōnnaan n̄an Lizzie. Lizzie enaaj kadikļo̧k kōjan̄jan̄ eo an. Ilo jidik iien. M̧ae iien Mama im Baba renaaj bar jako.
Ak ilo kiiō, Luke enaaj babu ilo beet. Ekar kalimjōk pijaan Jisōs. “Jouj, Jemedwōj Ilan̄,” Luke ekar unoojdikdik. “Jouj im jipan̄ n̄a en̄jake aeņōm̧m̧an jekdoon ta eo ej waļo̧k ilo m̧weo.”
Ālkin, rekar kalaļlaļ ilo kōjem eo ilo ruum eo an. “Imaron̄ ke delon̄?” Jinen eaar kajjitōk. Ejet am̧ pād?
“Tadd im John rej bar akweel,” Luke ekar ba. “Im Lizzie eļap an kōļļap ainikien kōjan̄jan̄ en an.”
“Ijeļā! Eben, ejim̧we ke?” Jinen eaar ba. “Baba ej kōnnaan n̄an būratōr ran am̧ kiiō. Im inaaj kōnnaan n̄an Lizzie bon̄in. Ak m̧okta, ikar kōņaan itok n̄an lale ejet am̧ pād.”
“Ebwe. Im̧ōņōņo̧ kōn ruum in,” Luke ekar ba.
“Bar n̄a,” M̧am̧a eaar ba. “Ij loe bwe kwar likūt pijaan Jisōs ilo ioon tabōl en.”
Luke ekar ettōn̄dikdik. “Ikar. Im Enaaj jipan̄ eō kōm̧m̧an bwe ruum eo aō en juon jikin aeņōm̧m̧an.”
Pija ko jān Bryan Beach