Itok, Ļoor Eō M̧akūtkūt ko n̄an Ajri Jiddik Ro

A brother and sister play with sticks and dead grass while playing outside.

N̄an Matu 1; Luk 1

Kōmeļeļe bwe Kaļļimur Ekāāl ej kōn Jisōs. Jej ekkatak Etan ilo jepta eo jinoin (lale Matu 1:21). Jeiki naan ko Jisōs Kraist ilo juon pepa im leļo̧k n̄an ajri eo kein jin̄a ko n̄an kaiboojoj pepa eo!

N̄an Matu 2; Luk 2

Kwaļo̧k pija in Tieta eo kōn Jisōs, Meri, im Josep. Kōmeļeļe bwe Jisōs ekar bar juon ajri. Ba n̄an er ke Jinen im Jemān rekar lukkuun ļap aer iakwe—āinwōt am̧ iakwe er. Bakwo̧j ajri ro reddik nejūm̧ im kwaļo̧k n̄an er ta eo kwoj iakwe er kake.

N̄an Jon 1

Bōke ajri jiddik ro nejūm̧ n̄an nabōj im etetal. Kalimjōk men ko raiboojoj inabōj—āinwōt wōjke, bao, kōto, ak lan̄. Kōtļo̧k bwe ajri ro ren jibwe dōka ko ak et bwin wūt ko. Ba n̄a er, “Jisōs ej iakwe eok im ekar kōm̧m̧ane laļ in aiboojoj n̄an kwe.”

N̄an Matu 3; Mark 1; Luk 3

Al “When Jesus Christ Was Baptized” (Children’s Songbook, 102). Kōmeļeļe bwe Jisōs ekar peptaij n̄an pokake Jemedwōj Ilan̄. Juon raan, ajri jiddik ro nejūm̧ remaron̄ kāālet n̄an peptaij barāinwōt. Ba n̄an ajri ro nejūm̧ kōn iien peptaij eo am̧. Etke eaorōk n̄an eok?