2023
Jipan̄ ilo Jerbal in ad Jemedwōj Ilan̄
Jānwōde 2023

Jera n̄an Jera

Jipan̄ ilo Jerbal in an Jemedwōj Ilan̄

Jān Sister Susan H. Porter

Būreejtōn eo Eutiej an Būraimere

Sister Susan H. Porter

Jān juon intōrpiu ippān Richard M. Romney.

Kwaar ke jeļā ke kwoj ruwainene n̄an jipan̄ Jemedwōj Ilan̄ ilo jerbal eo An aorōk? Jerbal in ej n̄an jipan̄ aolep ajri ro Nejin n̄an ro̧o̧l im mour Ippān (lale Moses 1:39). Komaron̄ jipan̄ ilo am̧ kōm̧m̧ane emān men ko: mour, kea, karuwainene, im bōro kuk.

Mour kōn gospel eo an Jisōs Kraist. Kwoj mour kōn gospel eo n̄e kwōj ļoore waanjon̄ak eo an Jisōs. Komaron̄ jar, riiti jeje ko rekwojarjar ak bwebwenato bok ko kōn jeje ko rekwojarjar, jeorļo̧k an ro jet bōd, im etal n̄an im̧ōn jar.

Kea kōn ro rej pād aikuj. Komaron̄ jijōt ippān juon armej eo emake iaan. Ak komaron̄ call e juon m̧ōttam̧ eo enan̄inmej im kam̧ōņōņōik.

Karuwainene ro jet n̄an bōk gospel eo. Komaron̄ karuwainene ro m̧ōttam̧ n̄an jar ak m̧akūtkūt ko an Būraimere. Komaron̄ karuwainene ro m̧ōttam̧ n̄an peptaij eo am̧.

Bōro kuk baam̧le ko n̄an indeeo. Komaron̄ kōnono ippān bubu im jimma ro am̧ n̄an ekkatak kōn mour ko aer. Komaron̄ juon rikōm̧m̧an aenōm̧m̧an ilo m̧weo imōm. Komaron̄ kōpooj kwe make n̄an etal n̄an tampeļ.

Ij kallim̧ur bwe kwonaaj en̄jake m̧ōņōņō ilo am̧ kajjieon̄ n̄an mour, kea, karuwainene, im ippān doon ilo m̧weo, ilo jikuuļ im ilo Būraimere. Jemedwōj Ilan̄ ej iakwe eok! Im kwomaron̄ jipan̄ ilo jerbal eo An aorōk.

Kōmeļeļe ko jān Augusto Zambonato