Lait ko, Camera, Jerbal in Jipan̄!

Jān Sandra Marsaw

(Pedped ioon juon bwebwenato em̧ool)

Pād ilo m̧weo ekar jab kabōjrak er jān aer jerbal in jipan̄.

“Lights, Camera, Service” is about two sisters who were sad they couldn’t go to church because of the COVID-19 pandemic – they decided to make videos in Spanish to help other kids. 1. A sad girl looking at the computer. 2. Two sisters talking and looking online for lesson ideas. 3. Two sisters taking turns recording themselves as they talk about stories in the Book of Mormon. 4. Spot of six primary kids on a computer zoom meeting and a text bubble coming up from one of the sisters talking about the stripling warriors story in the Book of Mormon.

Antonella im Mariana em̧m̧an ippāe etal im jar kajjojo wiik. Ak kiiō rej jab maron̄ etal n̄an jar kōn nan̄inmej in COVID-19. Rekar kilaaj in Būraimere online, ak ejjab āinwōt m̧okta.

Antonella im Mariana rebūrom̧ōj aer kajoor etaļ n̄an Būraimerekajjojo wiik. Juon iiō emootļo̧k, baam̧le eo aer ekar emakūt jān Chile n̄an Canada. Nan̄inmej eo ekar kōm̧m̧an bwe en pen n̄an aer kabbok mōttāer ro rekāāl. Rekar missi aer ekkatak jeje ko rekwojarjar ippān ajri ro jet. Im rekar rebūrom̧ōj aer kōm̧m̧an katak ilo kajin Spanish āinwōt aer kar kōm̧m̧ane ilo Chile.

Juon raan, ālkin jar eo ilo m̧weo im̧wōer, Antonella im Mariana rekar lale online ta remaron̄ kōjerbale n̄an jipan̄ er ekkatak Itok, Ļoor Eō.

“Iakwe n̄e en kar lōn̄ elōn̄ļo̧k pijaan alwoj ko ilo kajin Spanish,” Antonella ekar ba. Ekar ļōmņak jidik. Innām ekar wōr juon an ļōmņak eļap an em̧m̧an. “Jemaron̄ kōm̧m̧an ad make pijaan alwoj n̄an Itok, Ļoor Eō kajjojo wiik.”

“Aeet, im jemaron̄ kōm̧m̧ani ilo kajin Spanish!” Mariana ekar ba. “Innām jemaron̄ kwaļo̧k n̄an ajri ro jet barāinwōt.”

Mamá and Papá rej ba remaron̄ jipan̄. Aolepān baam̧le eo kar lukkun m̧ōņōņō!

Jinoin baam̧le eo ekar riiti jeje ko rekwojarjar n̄an katak eo an wiik eo. Leddik ro rekar karōk ta eo remaron̄ kōnnaan kake. Innām rekar kajijeon̄ kōm̧m̧ane pijaan alwoj ko. Antonella im Mariana rekar kajjojo bōk koņaer rekoote er make ilo aer kōnono kōn bwebwenato ko ilo Bok in Mormon. Ilo jemļo̧k in kajjojo pijaan alwoj ko, juon iaer rekar kwaļo̧k ta eo rekar ekkatak jān katak eo. Innām̧ Mamá and Papá rekar jipan̄ er likūti pijaan alwoj eo ilo online.

Ilo jinoin, rekar jab aolep iien jeļā ta eo n̄an ba. Ak ilo aer riiti jeje ko rekwojarjar im ekkatak eļapļo̧k kōn katak ko ekar jipan̄ er.

Juon Jabōt, Antonella im Mariana rekar jijōt m̧aan in kamputōr eo aer n̄an kilaaj in Būraimere eo aer. Katak eo ilo wiik in ej kōn likao rūm̧m̧an ded ritariņae ro ilo Bok in Mormon. “Etke likao rūm̧m̧an ded ro rekar etal im tariņae?” rikaki eo ekar kajjitōk.

Mariana ekar kune mic eo aer. “Ijeļā!” ekar ba. E im Antonella rekar kōm̧m̧an juon pijaan alwoj kōn bwebwenato in wiik eo ļo̧k. “Em̧m̧aan ro jemeer rekar kallim̧ur n̄an Anij ke reban tariņae, kōn menin ļaddik ro nejin rekar etal.”

Antonella ekar em̧ajidjid. “Im jineer ekar katakin er bwe eļan̄n̄e enaaj wōr aer tōmak, Anij enaaj lo̧mo̧o̧ren er.” Liin eaar ettōn̄ dikdik n̄an Mariana. Ekar lukkun limo ekkatak jān jeje ko rekwojarjar ippān doon.

Bon̄in eo ilo iien m̧ōn̄ā in jota, Mamá ekar kajjitok,, “Ejet Būraimere?”

“Em̧m̧an!” Antonella ekar ba. “Kōm̧m̧ani pijaan alwoj ko ekar jipan̄ n̄an ekkatak eļapļo̧k kōn jeje ko rekwojarjar.”

“Bar n̄a!” Mariana ekar ba. “Imaron̄ uwaake elōn̄ kajjitōk ko ilo Būraimere. Im jejeļā bwebwenato ko ilo jeje ko rekwojarjar eļapļo̧k.”

“Im̧ōņōņō bwe pijaan alwoj ko remaron̄ jipan̄ eok,” Papá ear ba. “Ij ļōmņak eļap aer jipan̄ elōn̄ armej ro barāinwōt!”

“Ejim̧we,” Mamá ekar ba. “Kwaļo̧k ta eo kwar ekkatak im elmen am̧ en̄jake kōn gosepl eo ej juon wāween eo em̧m̧an n̄an jerbal in jipan̄!”

Mariana ekar ettōn̄dikdik. “Em̧m̧an ippa ilo ad maron̄ jerbal in jipan̄ ilo wāween in,” ekar ba. Innām ekar reiļo̧k n̄an Antonella. “Jen jinoe karōk n̄an pijaan alwoj eo n̄an wiik in laļ!”

Bwebwenato in ekar bōk jikin ilo Canada.

Page from the January 2023 Friend Magazine. Lights, Camera, Service

Kōmeļeļe eo jān Kristin Sorra