Bag-ong Tugon

Dali, Sunod Kanako Mga Kalihokan alang sa Gagmay nga mga Bata

A brother and sister play with sticks and dead grass while playing outside.

Alang sa Mateo 1; Lucas 1

Ipasabot nga ang Bag-ong Tugon kabahin ni Jesus. Atong nakat-onan ang Iyang ngalan sa labing una gayod nga kapitulo (tan-awa sa Mateo 1:21). Isulat ang pulong Jesukristo diha sa usa ka piraso nga papel ug hatagi ang imong bata og mga art supply aron sa pagdayan-dayan sa papel!

Alang sa Mateo 2; Lucas 2

Pagpakita og larawan sa eksena sa Pagkatawo nga naa si Jesus, Maria, ug Jose. Ipasabot nga si Jesus usa usab ka bata kaniadto. Sultihi sila nga ang Iyang mga ginikanan nahigugma Kaniya og maayo—sama sa imong paghigugma kanila. Gaksa ang imong gagmay nga mga anak ug sultihi sila kon unsa ang imong ganahan nila.

Alang sa Juan 1

Dad-a ang imong gagmay nga mga anak aron maglakaw-lakaw sa gawas. Tan-awa ang nindot nga mga butang sa kinaiyahan—sama sa mga kahoy, mga langgam, hangin, o langit. Papunita ang imong mga anak og mga bato o pasimhota sa mga bulak. Sultihi sila, “Si Jesus nahigugma kaninyo ug milalang niining nindot nga kalibotan alang ninyo.”

Alang sa Mateo 3; Marcos 1; Lucas 3

Kantaha ang “When Jesus Christ Was Baptized” (Children’s Songbook, 102). Ipasabot nga si Jesus gibunyagan aron sa pagtuman sa Langitnong Amahan. Usa ka adlaw, ang imong gagmay nga mga bata makapili nga magpabunyag usab! Sultihi ang imong mga anak kabahin sa imong bunyag. Nganong bililhon kini nganha kanimo?