Nagrepresentar ni Jesus

Ni Mikaela Wilkins

(Gibase sa usa ka tinuod nga istorya)

Si David gikulbaan sa pagpasa sa sakramento sa unang higayon.

Panel 1 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

Si David milingkod sa atubangan nga laray sa chapel ug nagkurog ang iyang bitiis. Gikulbaan siya. Siya bag-ohay lang mibiya na sa Primary ug nahimong usa ka deacon. Ang mas dagko nga mga batang lalaki mopakita ni David ug sa ubang 11 anyos nga mga batang lalaki unsaon pagpasa sa sakramento.

Ang autism ni David usahay nakapalisod niya sa pagkat-on og bag-ong mga butang. Ang pagbiya sa Primary lisod para niya. Ug karon ang pagpasa sa sakramento morag hadlok kaayo. Unsa kaha kon masayop siya ug kataw-an siya sa uban?

Si Jacob, usa sa mas magulang nga mga bata, mitapad ni David. “Nalipay mi nga kauban na ka namo,” miingon si Jacob. Nag-apir siya ni David. “Makaya rana nimo.”

Mipahiyom si David. Kana nakapaarang-arang sa iyang gibati.

Ang ubang batan-ong mga lalaki mipakita sa mga 11 anyos unsay buhaton. Ilang gipakita kanila diin moagi ug asa nga laray sa mga lingkuranan mopasa. Nagpraktis sila paglakaw sa mga pasilyo sa simbahan. Ilang gipakita sa batan-ong mga lalaki unsaon sa paggunit sa mga tray sa sakramento.

“Mama, tan-awa!” Miingon si David sa dihang nauli siya. Gisaka niya iyang bukton. “Ingon niini nako paggunit ang tray. Mainampingon, ingon niini. Tungod kay ako nagrepresentar ni Jesus, ug gusto nakong ipakita ang akong respeto.”

Ang batan-ong mga lalaki nagpraktis uban ni David ug sa ubang batan-ong mga lalaki human sa Dominggo nga simba ug sa magabii nga mga kalihokan. Sila nagpraktis kon asa sila moagi. Si David mipraktis sa paggunit sa tray.

Sa wala madugay, ang adlaw miabot nga siya mopasa na sa sakramento sa unang higayon.

“Unsa ang imong gibati mahitungod niini?” Nangutana si Papa.

“Gikuyawan gihapon ko,” miingon si David.

“Mag-istorya ta sa unsay imong nabuhat sa pagpangandam,” miingon si Papa.

“Ah, nagbasa kita sa mga kasulatan mahitungod sa pagkapari isip usa ka pamilya,” miingon si David. “Paghupot sa pagkapari nagpasabot nga ako nagrepresentar ni Jesus. Giputlan nako akong mga koko aron nindot akong mga kamot. Ug sige kog praktis og maayo!”

“Mora og andam na kaayo ka,” miingon si Papa.

Pag-abot niya sa simbahan, si David milingkod sa atubangan kauban ang ubang mga deacon. Si Jacob mitapad niya. Naghunahuna si David kon unsaon niya pagrepresentar ni Jesus inig pasa niya sa sakramento. Unsa kaha kon siya masayop gihapon? Mitan-aw siya ni Jacob, ug si Jacob mipahiyom kaniya. Mipahiyom usab si David ug miginhawa og lawom.

Sa dihang oras na sa pagpasa sa sakramento, gitabangan ni Jacob si David sa pagpasa sa tray ngadto sa unang laray sa mga lingkuranan. Nalipay si David nga naay laing tawo uban niya.

Panel 3 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

Mitan-aw si David sa mga tawo samtang nagpasa siya sa sakramento. Kadaghanan nila naglingkod nga nagduko ilang mga ulo sa pagtahod. Ang uban morag mahunahunaon. Mibati si David og kalinaw. Nagrepresentar siya ni Jesus. Mapasalamaton siya nga makatabang sa uban nga maghunahuna mahitungod ni Jesukristo.

Kini nga istorya nahitabo sa USA.

Page from the January 2023 Friend Magazine. Representing Jesus

Mga paghulagway pinaagi ni Donald Wu