Kabataan ug Kabatan-onan
Pagpangita sa Akong mga Talento
Ni Fruean P., edad 9, Ilocos Norte, Philippines
Sa dihang nagsugod kog himo og mga tumong alang sa Kabataan ug Kabatan-onan, ang akong mama ug ako nag-istorya bahin kon unsa nga bag-ong mga talento nga gusto nakong makat-onan. Gusto kong magpraktis og pagkanta, pagsayaw, ug pagtugtog sa piano. Gusto usab kong magkat-on bahin sa mga hayop, ug gusto kong magkat-on pagluto. Gusto usab kong mobasa sa Basahon ni Mormon!
Ang akong mama mitudlo nako og daghang butang bahin sa pagpalambo sa akong mga talento. Sa sinugdanan, lisod kini. Pero nagpraktis ko ug nagpraktis. Karon makatugtog na ko og “Ako Anak sa Dios,” “Do, Re, Mi,” ug “Mary Had a Little Lamb” diha sa piano. Nagkat-on ko unsaon pagluto og kan-on ug mga hot dog ug unsaon pag-bake og cookies. Mibasa kog pipila sa mga libro bahin sa mga hayop. Karon nakahibalo na ko sa mga ngalan sa daghang mga langgam, sama sa mga bunting, mga honey creeper, ug mga mockingbird. Ug akong nahuman og basa ang Basahon ni Mormon sa wala pa ko nag-edad og nwebe. Nindot kaayo ang paghuman sa tibuok basahon human sa duha ka tuig.
Maayo unta ang ubang gagmay nga mga bata makakat-on og dugang mahitungod ni Jesukristo ug sa mga talento nga anaa nila.
Paghulagway ni Kylah Garcia