Hello gikan sa England!

Magkat-on mahitungod sa mga anak sa Langitnong Amahan sa tibuok kalibotan.

Ang England usa ka nasod sa Kasadpang Uropa. Kabahin kini sa United Kingdom. Sobra sa 50 ka milyon ka tawo ang nagpuyo didto.

Nag-unang mga Pioneer

Ang unang mga misyonaryo miabot sa England niadtong 1837. Daghang tawo ang nabunyagan ug dayon mibyahe paingon sa USA. Karon naay hapit 150,000 ka mga miyembro sa Simbahan sa England!

Ang Ininglis nga Pinulongan

Ang tagsulat nga si William Shakespeare taga-England. Nakaimbento siya og gatosan ka mga pulong sa Ininglis. Karon, dul-an sa 1.5 ka milyon ka tawo ang nagsulti og Ininglis.

Usa ka Harianong Panimalay

Ang England may gatosan ka mga kastilyo. Ang Windsor Castle natukod niadtong ika-11 nga siglo ug mao ang labing karaan nga kastilyo nga may mga tawo pa nga nagpuyo niini.

Pagsuhito sa London

Ang London, England, mao ang kapital sa UK ug usa sa dakong mga siyudad sa Uropa. Kini may daghang tag-as nga mga bus nga pula nga sakyan sa mga tawo sa ilang paingnan.

Duha ka Nindot nga mga Templo

Ang England may mga templo sa Preston ug sa London.

Mao na Gyud ni Siya!

Ang mga tawo sa Gloucester, England, may makalingaw nga tradisyon. Matag tuig, mopaligid sila og usa ka lingin nga keso padulong sa ubos ug dayon gukuron kini. Ang unang tawo nga makaabot sa ubos maoy makadaog sa keso.

Kamo makahimo sa inyong kaugalingon nga matang sa lumba. Paligid og duha ka bola paubos sa bungtod. Hain nga bola ang unang maabot sa ubos? Sulayi pag-ihap sa mga segundo nga maabot kini.

Pagpabilin nga Lig-on

Ang keso hinimo gikan sa gatas, nga daghan kaayo og calcium. Nagkinahanglan ka og calcium aron ang imong mga ngipon ug mga bukog lig-on! Makakuha ka usab og calcium gikan sa mga dahon nga berde, tofu, mga mani, beans, ug ubang mga pagkaon.

Utan ug Itlog nga mga Muffin

1. Pagbatil og 4 ka itlog og dungan.

2. Isagol ang pipila ka tinadtad nga mga utanon (sama sa spinach, mga sili, ug broccoli). 

3. Mantikai ang sudlanan sa muffin ug ibubo ang sinagol nga itlog ngadto sa matag kopa.

4. Butangi og gamayng kinudkod nga keso sa ibabaw sa matag muffin.

5. I-bake sa 350°F (175°C) sulod sa 10–15 ka minutos.

Salamat ngadto ni Lucia, Vivie, ug Zac sa pagpakigbahin niini nga resipe!

Makita ninyo sila diha sa pahina 14.

Mga paghulagway pinaagi ni Raquel Martin