Paghinumdom uban ni Lola

Ni Jane McBride

(Gibase sa usa ka tinuod nga istorya)

Nganong dili man mag pasensya si Mari kang Lola?

Panel 1 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Mikunot ang agtang ni Mari. Si Lola sige og istorya sa samang istorya. Pag-usab.

Si Lola mipuyo uban sa pamilya ni Mari pipila na ka bulan ang milabay. Gihigugma siya ni Mari, apan kon magkauban mi ni Lola usahay kapoy. Moistorya siya sa samang istorya og balik-balik. Usahay balikon na niya sa dili pa gani niya mahuman ang istorya.

Nanghupaw si Mari. “Lola,” siya miingon, “giistorya naman na nimo nako nga istorya.”

Miduko si Lola. “Diay ba?”

“Oo,” miingon si Mari. “Bag-o lang gyud nimo giistorya nako.”

“Wala ko kahinumdom,” miingon si Lola. Nagguol siya ug naglibog. Dayon mibarog siya ug mibalik sa iyang kwarto.

Nagguol si Mari nga nahiubos si Lola. Sukad namatay si Lolo, si Lola grabe na ka limtanon. Dinhay kausa nga nalimtan niya og palong ang stove, ug nikayo ni sa iyang kusina. Mao to nga gidala nilang Mama ug Papa si Lola nga mopuyo uban nila.

Nakita ni Mari si Papa sa kusina. “Gihigugma gayud nako si Lola, apan gikapoy na kog paminaw sa samang mga istorya. Nganong dili man siya makahinumdom nga iya nang naistorya nako kana nga istorya ka singkwenta ka milyon ka higayon?”

Mipahiyom si Papa. “Dili pod tingali ka singkwenta ka milyon ka higayon. Apan nasayud ko nga lisod kini. Ang imong lola may usa ka sakit sa iyang utok nga nakapahimo kaniya nga limtanon na. Ang iyang mga istorya mao ang iyang paagi sa paghinumdom kinsa siya.”

Mihangad si Mari. Nganong wala man siya magpasensya ni Lola? Si Lola kanunay mopakita niya og gugma. Ang tawag ni Lola niya “akong Mari.” Si Mari naghunahuna niadtong gitabangan niya si Lola pagtanom og mga bulak ug manguha sa sagbot sa harden.

Nanoktok si Mari sa pultahan ni Lola.

“Sulod lang,” miingon si Lola.

Giablihan ni Mari ang pultahan. Si Lola naglingkod sa lingkuranan nga ang mga kasulatan naa sa iyang paa.

“Lola, pwede ba ko nimong istoryahan giunsa ninyo ni Lolo pagpasakop sa Simbahan?” Nangutana si Mari.

Mihangad si Lola. “Gusto kang makadungog mahitungod ni Lolo nimo ug nako?” nangutana siya sa malaumong tingog.

Milingkod si Mari tupad ni Lola. “Gusto ko. Gusto kong maminaw sa tanan.” Si Mari migunit sa kamot ni lola. “Espesyal ka kaayo nako, Lola. Kanunay gayud.”

Panel 3 of 3 1. Illustrated background with flowers. 2. Mari is sitting on a couch alone and looks back at her grandmother. She is sad or irritated. Her grandmother is walking away. 3. Mari and her grandmother are sitting on a couch together and are happy.

Mipahiyom si Lola, misandig sa iyang lingkuranan, ug misugod sa pagsulti sa istorya.

Si Mari nakadungog na sa istorya sa makadaghang higayon, apan kining panahona, wala na siya mibati og kasamok o walay pasensya. Gani, mibati siya og gugma ug katingala. Nasayod siya nga si Lola ug si Lolo misakripisyo og dako sa dihang mipasakop sila sa Simbahan sa Germany. Ang iyang mga apohan mibalhin sa layo gikan sa ilang panimalay aron makapuyo sila duol sa ubang miyembro sa Simbahan.

Gitapos ni Lola ang istorya ug mipahiyom. “Buotan ka nga batang babaye, akong Mari.”

Gigakos ni Mari ang iyang lola. “Salamat, Lola. Gihigugma ko ikaw.”

Page from the January 2023 Friend Magazine. Remembering with Grandma