Fuakava Foʻoú
Ngaahi ʻEkitivitīHaʻu, ʻo Muimui ʻIate Aú maʻá e Fānau Īkí
Maʻá e Mātiu 1; Luke 1
Fakamatalaʻi ange ʻoku fekauʻaki e Fuakava Foʻoú mo Sīsū. ʻOku tau ako ki Hono huafá ʻi he vahe ʻuluakí pē (vakai, Mātiu 1:21). Tohi ʻa e ngaahi foʻi lea Sīsū Kalaisi ʻi ha laʻipepa pea ʻoange ki hoʻo fānaú ha ʻū naunau ʻaati ke teuteuʻi ʻaki e laʻipepá!
Maʻá e Mātiu 2; Luke 2
Fakaʻaliʻali ha fakatātā ʻo e ʻAloʻí mo Sīsū, Mele, mo Siosefa. Fakamatalaʻi ange naʻe hoko foki ʻa Sīsū ko ha fānau. Talaange ʻoku ʻofa lahi ʻEne ongomātuʻá ʻiate Ia—ʻo hangē pē ko hoʻo ʻofa ʻiate kinautolú. Fāʻofua ki hoʻo fānau īkí pea talaange ʻa e meʻa ʻokú ke saiʻia ai fekauʻaki mo kinautolú.
Maʻá e Sione 1
ʻAlu mo hoʻo fānau īkí ʻo ʻeveʻeva ʻi tuʻa. Vakai ki he ngaahi meʻa fakaofo ʻi natulá—hangē ko e ʻuluʻakaú, manupuná, havilí pe langí. Tuku ke toʻo hake ʻe hoʻo fānaú ha fanga foʻi maka pe nanamu ki he matalaʻiʻakaú. Talaange kiate kinautolu, “ʻOku ʻofa ʻa Sīsū ʻiate koe pea kuó Ne faʻu ʻa e māmani fakaʻofoʻofa ko ʻení maʻau.”
Maʻá e Mātiu 3; Maʻake 1; Luke 3
Hivaʻi ʻa e“ʻI he Papitaiso ʻa Sīsū Kalaisí” (Liahona, Fēpueli 2015). Fakamatalaʻi ange naʻe papitaiso ʻa Sīsū ke talangofua ki he Tamai Hēvaní. ʻI ha ʻaho ʻe taha, ʻe lava ke fili foki mo hoʻomou fānau īkí ke papitaiso! Fakamatala ki hoʻo fānaú fekauʻaki mo hoʻo papitaisó. Ko e hā naʻe makehe ai ia kiate koé?