Fānaú mo e Toʻutupú

Ko Hono ʻIloʻi Hoku Ngaahi Talēnití

Fai ʻe Fruean P., taʻu 9, Ilocos Norte, Philippines

A young boy smiles as he looks up at a bird that is in a tree. He is holding a book about birds.

ʻI heʻeku kamata fokotuʻu ha ngaahi taumuʻa maʻá e Fānaú mo e Toʻutupú, naʻá ku talanoa mo ʻeku fineʻeikí ki he ngaahi talēniti foʻou naʻá ku fie akó. Naʻá ku fie ako hiva, hulohula, mo tā-piano. Naʻá ku fie ako foki ki he fanga monumanú, pea mo e founga feimeʻatokoní. Ne u fie lau foki mo e Tohi ʻa Molomoná!

Naʻe akoʻi mai ʻe heʻeku faʻeé ha ngaahi meʻa lahi ki hono fakatupulaki hoku ngaahi talēnití. Ne faingataʻa he kamataʻangá. Ka naʻá ku toutou ako ia. ʻOku ou lava he taimí ni ʻo tā ʻi he pianó ʻa e “Fānau Au ʻa e ʻOtuá,” “Do, Re, Mi,” (Tō, Fā, Nī) mo e “Mary Had a Little Lamb” (Naʻe ʻI ai Ha Kiʻi Sipi ʻa Mele). Naʻá ku ako ke haka e laisé mo e sōsisí pea mo hono taʻo ʻo e kūkisí. Naʻá ku lau ha ʻū tohi fekauʻaki mo e fanga monumanú. Kuó u ʻiloʻi ʻeni e hingoa ʻo ha fanga manupuna kehekehe, hangē ko e buntings, honey creepers, mo e mockingbirds. Pea ne u lava ʻo fakaʻosi hono lau e Tohi ʻa Molomoná kimuʻa pea hoko hoku taʻu hivá. Naʻe fakalata e ʻosi ʻa e tohí kakato hili ha taʻu ʻe ua.

Fakatauange ʻe ako lahi ange ʻa e fānau Palaimeli kehé fekauʻaki mo Sīsū Kalaisi pea mo honau ngaahi talēnití.

Tā fakatātaaʻi ʻe Kylah Garcia