Kaumeʻa ki he Kaumeʻa
Ko e Tokoni ki he Ngāue ʻa e Tamai Hēvaní
Fai ʻe Sisitā Susan H. Porter
Palesiteni Lahi ʻo e Palaimelí
Mei ha ʻinitaviu mo Richard M. Romney.
Naʻá ke ʻiloʻi nai ʻoku fakaafeʻi koe ke ke tokoni ki he Tamai Hēvaní ʻi Heʻene ngāue mahuʻingá? Ko e ngāue ko iá ke tokoniʻi ʻEne fānaú kotoa ke nau foki mai ʻo nofo fakataha mo Ia (vakai, Mōsese 1:39). Te ke lava ʻo tokoni ʻi hoʻo fai ha meʻa ʻe fā: moʻui, tokanga, fakaafeʻi, mo fakatahatahaʻi.
Moʻui ʻaki e ongoongolelei ʻo Sīsū Kalaisí. ʻOkú ke moʻui ʻaki e ongoongoleleí ʻi hoʻo muimui ki he sīpinga ʻa Sīsuú. Te ke lava ʻo lotu, lau e folofolá pe ngaahi tohi talanoa fakafolofolá, fakamolemoleʻi e niʻihi kehé, pea ʻalu ki he lotú.
Tokanga kiate kinautolu ʻoku fiemaʻu tokoní. Te ke lava ʻo tangutu mo ha taha ʻoku tuenoa. Pe ko haʻo tā ki ha kaungāmeʻa ʻoku puke ke fakafiefiaʻi kinautolu.
Fakaafeʻi e niʻihi kehé ke maʻu e ongoongoleleí. Te ke lava ʻo fakaafeʻi e kaungāmeʻá ki he lotú pe ʻekitivitī ʻa e Palaimelí. Te ke lava ʻo fakaafeʻi ho kaungāmeʻá ki ho papitaisó.
Fakatahatahaʻi e ngaahi fāmilí ke taʻengata. Te ke lava ʻo talanoa ki hoʻo ngaahi kuí ke ako ki heʻenau moʻuí. Te ke lava ʻo hoko ko ha tokotaha fakamelino ʻi homou ʻapí. Te ke lava ʻo teuteuʻi koe ke ʻalu ki he temipalé.
ʻOku ou palōmesi atu te ke ongoʻi fiefia ʻi hoʻo feinga ke moʻui, tokanga, fakaafeʻi, mo fakatahatahaʻi ʻi ʻapi, ʻi he ʻapiakó pea ʻi he Palaimelí. ʻOku ʻofa ʻa e Tamai Hēvaní ʻiate koe! Pea te ke lava ʻo tokoni ʻi Heʻene ngāue mahuʻingá.
ʻŪ tā fakatātā ʻa Augusto Zambonato