Ko Hono Fakafofongaʻi ʻo Sīsuú

Fai ʻe Mikaela Wilkins

(Makatuʻunga ʻi ha talanoa moʻoni)

Naʻe manavasiʻi ʻa Tēvita ʻi heʻene fuofua tufa ʻa e sākalamēnití.

Panel 1 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

Naʻe tangutu ʻa Tēvita he ʻotu muʻa ʻo e falelotú mo fakatāupe pē hono vaʻé. Naʻá ne manavasiʻi. Naʻá ne toki hiki mei he Palaimelí ʻo hoko ko ha tīkoni. Naʻe teu ke fakaʻaliʻali ʻe he tamaiki tangata lalahi angé kia Tēvita mo e fānau tangata kehe taʻu 11 ʻa e founga tufa ʻo e sākalamēnití.

Naʻe hoko e ʻōtisimi ʻa Tēvitá ke faingataʻa ai kiate ia he taimi ʻe niʻihi ke ne ako ha ngaahi meʻa foʻou. Naʻe faingataʻa kiate ia ke hiki mei he Palaimelí. Pea naʻe ngali fakailifia he taimí ni ʻa e tufa sākalamēnití. Fēfē kapau te ne fai ha fehalaaki pea kataʻi ia ʻe he taha kotoa?

Naʻe tangutu he tafaʻaki ʻo Tēvitá ʻa Sēkope, ko ha taha ʻo e tamaiki tangata lalahí. Naʻe pehē ʻe Sēkope, “ʻOku mau fiefia hoʻo ʻi heni mo kimautolú.” Naʻá ne tā nima mo Tēvita. “Te ke sai pē koe.”

Naʻe malimali ʻa Tēvita. Naʻá ne ongoʻi fiemālie ange ai.

Naʻe fakaʻaliʻali ʻe he kau talavou kehé ki he kau taʻu 11 ʻa e meʻa ke faí. Naʻa nau fakaʻaliʻali ange ʻa e feituʻu ke nau ō ki aí pea mo e ngaahi ʻotu ke nau tufa aí. Naʻa nau akoako ʻa e lue ʻi he ngaahi vahaʻa sea ʻo e falelotú. Naʻa nau fakaʻaliʻali ki he fānau tangatá ʻa e founga ke pukepuke ai e ʻū laulau sākalamēnití.

“Mami, sio mai!” Ko Tēvita ia ʻi heʻene aʻu ki ʻapí. Naʻá ne hiki hake hono nimá. “Ko e founga ʻeni ʻeku puke ʻa e laulaú. Puke fakalelei pehé ni. Koeʻuhí ʻoku ou fakafofongaʻi ʻa Sīsū, ʻoku ou fie fakahaaʻi ʻeku fakaʻapaʻapá.”

Naʻe akoako ʻa e kau talavoú mo Tēvita pea mo e fānau tangata kehé he tuku ʻa e lotú he Sāpaté pea mo e ngaahi ʻekitivitī efiafi lolotonga e uiké. Naʻá nau lue ʻi he feituʻu ʻoku totonu ke nau ʻalu aí. Naʻe ʻahiʻahi puke ʻe Tēvita ʻa e laulaú.

Ne ʻikai fuoloa kuo hokosia e ʻaho ke ne fuofua tufa ai ʻa e sākalamēnití.

“Ko e hā hoʻo ongoʻi fekauʻaki mo iá?” Ko e fehuʻi ange ia ʻa Tetí.

Naʻe pehē ange ʻe Tēvita, “ʻOku ou kei ilifia pē.”

Naʻe pehē ange ʻa Teti, “Ta talanoa ki he meʻa kuó ke fai ke teuteu aí.”

Naʻe pehē ange ʻa Tēvita, “Sai, kuo tau lau fakafāmili ʻa e folofolá fekauʻaki mo e lakanga fakataulaʻeikí. ʻOku ʻuhinga hono maʻu e lakanga fakataulaʻeikí, ʻoku ou fakafofongaʻi ʻa Sīsū. Naʻá ku tutuʻu hoku ngeʻesinimá ke hā fakaʻofoʻofa. Pea kuó u toutou akoako!”

Naʻe pehē ange ʻa Teti, “ʻOku ou tui kuó ke ʻosi mateuteu lelei.”

ʻI he aʻu ʻa Tēvita ki he lotú, naʻá ne tangutu ʻi he ʻotu muʻá mo e kau tīkoni kehé. Naʻe tangutu ʻi hono tafaʻakí ʻa Sēkope. Naʻe fakakaukau ʻa Tēvita ki heʻene fakafofongaʻi ʻa Sīsū ʻi heʻene tufa e sākalamēnití. Fēfē kapau te ne kei fehalaaki pē? Naʻá ne hila atu kia Sēkope, pea naʻe malimali ange ʻa Sēkope. Naʻe malimali atu ʻa Tēvita pea mihiʻi ʻene mānavá.

ʻI he hokosia e taimi ke tufa ai e sākalamēnití, naʻe tokoni ʻa Sēkope kia Tēvita ʻi hono tufa ʻo e laulaú ʻi he ngaahi ʻotu ʻuluakí. Naʻe fiefia ʻa Tēvita ke ʻi ai ha taha mo ia.

Panel 3 of 3 1. Boy’s hand holding sacrament tray. 2. Two boys sitting next to each other on church bench. One boy is smiling and talking to the other. 3. A young man is passing the sacrament to an elderly couple. He is being reverent. The elderly man is taking the sacrament with his right hand. The elderly woman has her head bowed, arms folded and eyes closed.

Naʻe sio ʻa Tēvita ki he kakaí ʻi heʻene tufa ʻa e sākalamēnití. Ko e tokolahi ʻo kinautolu naʻa nau tangutu mo punou honau ʻulú ʻi he loto-ʻapasia. Naʻe mataʻi fakakaukauloto ha niʻihi. Naʻe ongoʻi nonga ʻa Tēvita. Naʻá ne fakafofongaʻi ʻa Sīsū. Naʻá ne houngaʻia ʻi heʻene lava ʻo tokoniʻi e niʻihi kehé ke nau fakakaukau kia Sīsū Kalaisí.

Page from the January 2023 Friend Magazine. Representing Jesus