“Jouj ilo Carousel eo,” Jera, Maj 2023, 28–29.
Jouj ilo Carousel eo
Damien ekar kōņaan bwe en kar jab lam̧ōje leddik jatin.
Ke Damien ekar deļo̧n̄ļo̧k n̄an park eo, ekar ron̄ al ko rekam̧ōņōņō raar jo. Jibwin ekar bōk e im sister eo an, Adele, n̄an iuwe ilo carosuel eo em̧m̧an tata ippān. Ekar juon ikkure eo elimo kōn riin̄ ko. Damien ekar m̧ōņōņō in kwaļo̧k kilen ikkure eo n̄an Adele.
Innām rekar ļain. Kidia eo ekar kileb im aiboojoj, kōn paoktok eo em̧m̧an. Ajri ro rekar ettōn̄dikik im kar jijet ioon kidia ko im jeaaļ ilo aer iuweto-iwetak.
“N̄e kwoj bōk kidia eo im̧aan, kwomaron̄ ikkure kōn ikkurein riin̄ eo!” Damien ekar ba n̄an Adele. “Kwoj ke loe aļaļ en ajri raņ rej jibwe? Im kwoj ke loe em̧m̧aan en kōn riin̄ kaņ?”
Damien ekar jitōn̄ļo̧k rijerbal eo. Ekar jutak iturin carousel eo im jibwe juon riin̄. Ke raar iuwe ioon carousel eo, ajri ro raar kajjieon̄ in likūt aļaļ eo aer ilo riin̄ eo n̄an ko̧jōke. Kajjojo iien rej kajjieon̄ ko̧jōke riin̄ eo, rijerbal eo ekar jibwetok bar juon kāāl.
Adele ekar kapokpok. Ekar ba, “ikōņaan ko̧jōke aolep riin̄ ko!”
Ilo jem̧ļo̧kinļo̧k rekar tōpar tum̧aanin ļain eo. Ak ekar wōr wōt juon kidia ilo carousel eo.
“Damien,” jibwin ekar ba, “etke kwojjab kōtļo̧k an Adele bōke eo āliktata bwe ejjan̄in kar iuwe ie? Kwomaron̄ bar iuwe ioon tokālik.”
“Em̧m̧an,” Damien ekar errā. Ekar lale an rijerbal ro jipan̄ Adele iuwe ioon kidia eo edik ejatōltōl im em̧ōņakņak kōļarin. Innām rijerbal ro rekar leļo̧k n̄an Adele juon aļaļ n̄an ko̧jōki riin̄ ko.
Innām ekar jino al eo, im jikin ikkure kidia eo ekar jino errolool. Damien ekar jibwe Adel jān jait eo jān jibwin. Bōtaab Adele ekar jibwe tuļokan aļaļ eo. Ijello̧kin jibwe aļaļ eo kōn ejjor eo an ekilep, liin ekar jibwe kōn ijo aitok, aidik im kōn kar kōjerbale n̄an ko̧jōki riin̄ ko.
“Adele, ukōt aļaļ ne am̧ n̄an jene juon!” ekar lam̧ōj. Ak Adele ekar jab ron̄ ainikien. Ke ej eļļā jen riin̄ eo, aļaļ eo an ekar dōn̄te. Ak jikin jōbjōb eo ekar kilep n̄an mejen riin̄ eo.
“Adele, aļaļ eo am!” Damien bar kajjieon̄. “Koban maron̄ ko̧jōki riin̄ ko eļan̄n̄e kwoj jibwe rōt ņe!”
Ak Adele ekar jab ron̄jake e. Ekar medikdik im ettōn̄e ke carousel eo ekar ero̧o̧lol. Aļaļ eo an ekab de wōt dōn̄te riin̄ eo. Ekar jab ko̧jōke juon iaer.
Damien ekar en̄n̄ōrn̄ōr. Adele ekar jerwane iien eo an! N̄e en kar pād jikin ikkure kidia eo, en kar jibwe aolepen riin̄ ko.
Ke ej jem̧ļo̧k ikkure eo, ekar ettōrļo̧k n̄an ippān Adele.
Ekar lam̧ōj “ikar kwaļo̧k kilen jibwe aļaļ eo!” “Etke kwojjab ron̄jake eō? Ekar bōd am̧ kōm̧m̧ane!”
Adele ekar jab bar lam̧ōj n̄an Damien. Ekar jab jan̄. Ekar jutak wōt ijo im āinwōt n̄e edik, edik, edik.
Būruwōn Damien ekar illu, im mejen ekar inepata. Ekar kōm̧m̧an an illu ke ej lo an Adele miji aolep riin̄ ko! Ak ej kab kein kajuon. Ijelo̧kin, ekar limo ippān. N̄an kiiō.
Damien ekar būrom̧ōj. Damien ekar kōņaan bwe en kar jab buron̄e Adele.
“Joļo̧k aō bōd,” ekar mera an ba. “Ejjab juon men em̧m̧an ikar kōm̧m̧ane.”
Adele ekar reilōn̄tak.
“Akkō eļan̄n̄e ij lewaj jet kein jipan̄ ko n̄an ko̧jōke riin̄ ko?” Damien ekar ba. “Inaaj jijet iturum̧ ioon carousel eo im jipan̄ eok.”
Adele ekar em̧ajidjidi.
Innām Damien ekar oktaļo̧k n̄an jibwin. “Jemaron̄ ke bōk ruo tikōt bwe Adele en bar kajjieon̄?”
Jibwin ekar ettōn̄dikdik. “Aaet.”
Bwebwenato in ekar bōk jikin ilo France.
Kōmeļeļe ko jān Violet Lemay