“Dinosaur Bok eo,” Jera, Maj. 2023, 22–23.
Dinosaure Bok eo
Sophia ej kōnanaik mejān. Etke ejjab maron̄ em̧m̧an ippān dinosaur ko bar?
Sophia im Allie rej bo, im raar m̧ōttā ro rem̧m̧antata. Em̧m̧an ippaero men ko roktak, ak ekōm̧m̧an bwe en limoļo̧k! Em̧m̧an ippāero ikkure ippān doon.
Juōn raan ilo jikuuļ, Sophia ekar lale juon bok in dinosaur jān library eo. Ekar kōņaan kwaļo̧ke n̄an Allie.
“Kwojjab maron̄ riiti,” Timmy ekar ba, ļaddik eo ilo kūlaaj eo an.
“Etke eban?” Sophia ekar kajjitōk.
“Ej juon bok an ļaddik,” ekar ba. “Dinosaur ko rej n̄an ļaddik ro.”
Sophia ej kōnanaik mejān. Etke ejjab maron̄ em̧m̧an ippān dinosaur ko bar? Eaar likūt bok eo ilo pākpāk eo an. Liin enaaj kar baj wōt riiti jekdo̧o̧n ta.
Aolepen raan eo, Sophia ekar ļōmņak kōn ta eo Timmy ekar ba. Liin elakkar wōt inepata ke ekar tōpar m̧weo jān jikuuļ.
“Eita?” Jinen eaar kajjitōk.
“Timmy ekar ba ijjab maron̄ riiti juon bok kōn dinosaur.” Sophia ekar ba. “Eaar ba dinosaur ko rej n̄an ļaddik wōt. Ejjab m̧ool menin, ej ke?”
“Aaet ejjab m̧ool.” Mam̧a ekar ba.
Sophia ekar reilaļļo̧k. “Innām etke Timmy ekar ba menin?”
“Bōlen ejjab jeļā ke leddik ro ebar em̧m̧an ippāer dinosaur.” Mama ekar ba “Ak Jemedwōj Ilan̄ ekar jab kōm̧anm̧an kōj ilo juon wōt. Im Ej kōņaan bwe jen jouj n̄an doon.”
M̧am̧a eo an Sophia ekar atbakwōje. “Joļo̧k bōd Timmy eaar kōm̧m̧an rot in n̄an eok. Jemedwōj Ilan̄ ej iakwe eok. Im barāinwōt n̄a.”
“Kom̧ool, M̧am̧a,” Sophia eaar ba. Em̧m̧anļo̧k an en̄jake kiiō.
“Ij iwōj im kōnono ippān rikaki eo am kōn menin, em̧m̧an ke?” Jinen eaar ba.
Sophia ekar em̧ajidjid. “Em̧m̧an.”
Sophia ekar etal im ikkure ippān Allie. Rekar kōm̧m̧ane juon ikkure ņaetan Super Princess Racer, ijo aolep waan ikkure ko an Allie rej pād ie. Ekar juon āt, ak Princess Lightning Cheetah ekar wiin! Sophia im Allie rekar m̧ōņōņō.
“Kokōņaan ke lo bok in Dinosaur iaar bōke rainin?” Sophia ekar kajjitōk.
“Aeet!” Allie ekar ba.
Sophia ekar ettōn̄dikdik. Ekar m̧ōņōņō bwe aolep iien ej lim̧o ippān Allie.
Raan eo juon, rikaki eo an Sophia ekar kōm̧m̧ane juon kōjjeļā. “Kūlaaj,” liin ekar ba, “ewōr jet men ikōņaan ba n̄an kom̧. Em̧man kōņaan men ko reoktak jen doon. Aolep bok ko ad im kein ikkure ko rej n̄an aolep.”
Sophia eaar lukkuun m̧ōņōņō! Ilo iien riit eo, Sophia ekar bōk bok in dinasuar eo jān pākpāk eo an.
Timmy ekar itok n̄an tebōļ eo an. “Ij joļo̧k aō bōd kwoj jab maron̄ riiti bok n̄e.” laddik eo ekar ba “Ebar em̧m̧an ippa dinosaur ko.”
“Em̧man wōt.” Sophia ekar ba. “Kwoj ke kōņaan riit ippa?”
“Aeet!” Timmy ekar jijōt itūrin. “Kom̧m̧ool.”
Sophia ekar kōpeļļo̧k bok eo. E im Timmy raar oktak jān doon, bōtaab ekar em̧m̧an ajeej ippān juon m̧ōtta ekāāl.
Bwebwenato in ekar bōk jikin ilo USA.
Kōmeļeļe jān Mark Robison