Iakwe jān Kiribati!

Ekkatak kōn ajri ro nejin Jemedwōj Ilan̄ ipeļaakin laļin.

Kiribati (kee-ruh-bas) ej juon laļ edik ilo Pacific Ocean. Emaron̄ 120,000 armej rej jokwe ijeņ.

33 āne ko

Kōmeļeļe jān Robyn Brimley

Āne ko reddik ilo Kiribati rej ejjepelōklōk ilo aolepān 1.4 million square m̧ail (3.5 million km²) in lo̧jet! Ej jikin eo ilo laļin likūti eria in n̄an lo meram kajjojo raan ekāāl.

Pārijet ko Raiboojoj

Kiribati eobrak kōn pārijet ko rebo̧kbo̧k im wōjke ni ko. Emāņāān mejatoto in aolep iiō.

Waanjon̄ak ko Rem̧m̧an

Enan̄in 20 bōjāān in armej ro rej membōr in Kabun̄ in. Rej waanjon̄ak ro rem̧m̧an n̄an ro jet me rej jokwe ioon āne ko.

Etal in Eọñwōd!

Kōn an lo̧jet jepooļ er, armej in Kiribati eļap wōt aer m̧ōn̄ā m̧ōn̄ā in lo̧jet. Waini, raij, im ban̄ke ebar ekkā aer m̧ōn̄ā

Mōttan Jidik Ededeļo̧k Tampeļ eo

Ilo Oktoba in 2020 eo, Bureejtōn Russell M. Nelson eaar kōjeļļā bwe juon tampeļ enaaj ekkal ilo Kiribati! En̄in enaaj jekjek in.

M̧akūtkūt

Eeb in Menin Mour

Eeb ej juon m̧ōtta mour eaorōk ilo Kiribati. Eeb ko aer rej im̧we jān bao in laļ in laļ eo aer, bao in lo̧jet. Rieeb ro rej erļo̧k peier āinwōt pein bao ko ilo aer em̧akūtkūt.

Menin mour ta eo em̧m̧an ippam? Ļōmņak kōn an m̧akūtkūt. Innām ejaake juon eeb kar im̧we jen menin mour eo. Kajjitōk ippān ro m̧ōttam̧ n̄an kobawaj!

Iiōk

Juup in Ban̄ke Waini

1. Lutōk jidik pineep ilo juon ainbat. Kobaiki 1 anien ejidikdik im kōmate jidik m̧ae iien anien eo ej jino m̧ōņakņak.

2. Kobaiki 2 kab in ban̄ke, 2 kab in āāļ, im 4 kab in chicken broth. Kanooj poktake.

3. Likūt juub eo ilo juon bool, innām kadikļo̧k kijeek eo im kōtļo̧k an kōmānāān ium̧win 20 minit.

4. Eļan̄n̄e kwoj kōņaan, kobaiki salt, pepper, ginger, ak kein kere ko jet.

Lale n̄an bōk jipan̄ eo an rūtto ro!

Jipan̄ n̄an ājmour

Jino em̧m̧akūt

Kājimourur ej kōm̧m̧an bwe menono eo am, m̧ajōļ ko, im dii ko ren ājmour. Kwomaron̄ kōm̧m̧ani men ko rekalimomo kajjojo raan n̄an kōm̧akūtkūt ānbwinum̧ bwe menono eo am en bam̧, āinwōt eeb, ikkure, ak bajkōļ—jabdewōt eo kwoj kōņaan!