Raan in Peptaij eo Aō

Jān Megan S., 10 iiō, Michoacán, Mexico

Baam̧le eo ippān jilu leddik ro rej etal n̄an jar

Iakwe! Eta in Megan, im ij jokwe ilo Mexico. Ikōņaan ba n̄an kwe kōn juon iien ejenoļo̧k ilo mour eo aō—raan eo ikar peptaij.

Ikar peptaij ilo raan in lo̧tak eo aō kein kōruwalitōk. Ekar juon raan eaorōk kōnke ikar keememe raan in lo̧tak eo aō kōn peptaij.

Peptaij ekar juon en̄jake em̧m̧an. Jinō ekar kōm̧m̧ane juon bok in jeje kōn m̧akūtkūt ko rooktak jān doon kar kōpooje. Ekar jipan̄ eō ekkatak kōn aorōk eo an peptaij im bujen ko inaaj kōm̧m̧ani ippān Jemedwōj Ilan̄.

Leddik eo ilo nuknuk piin̄ eo ej jibwe bok in jeje eo

Aolep armej ro rej iakwe eō raar itok n̄an peptaij eo aō. Ikar en̄jake m̧ōņōņō bwe raar itok. Ikar kōņak juon nuknuk mouj, im dān eo ekar mānāān.

Ālkin an jema kar peptaiji eō, ikar kōmōrā im jājini nuknuk ko. Innām iaar bōk menin letok eo an Jetōb Kwojarjar. Ikar kapen juon membōr in Kabun̄ eo an Jisōs Kraist im Armej ro Rekwōjarjar ilo Raan Ko Āliktata jān rikabwijer priesthood ro. Ikar en̄jake aenōm̧m̧an, iakwe, im m̧ōņōņō.

Leddik eo ej peptaij ilo an ajri ro jet lale.

Inaaj aolep iien keememej raan eo. Ekar jenoļo̧k kōnke ikar kōm̧m̧ane bujen eo aō jinoin tata ippān Anij. Ikar kallim̧ur n̄an ļoor Jisōs im pokake kien ko An.

Eļan̄n̄e kwoj ikum̧kum̧ elmen naaj raan in peptaij eo am̧, jab inepata. Jemedwōj Ilan̄ enaaj m̧ōņōņō kōn kālet eo kwaar kōm̧m̧ane!