Jān Būreejitonji eo Kein Kajuon

Aenōm̧m̧an jān Rilo̧mo̧o̧r eo

Jān Būreejtōn Henry B. Eyring

Jān Doulul eo an Jon̄oul Ruo Rijilōk ro

Henry B. Eyring

Kakkobaba jān “Peace in This Life,” Liaona, Tij. 2016.

Ruo leddik im juon ļaddik rej bōk kwojkwoj eo

Kōmeļeļe ko jān Dilleen Marsh

Rilo̧mo̧o̧r ekar ba, “ilo laļ kom̧ij en̄taan” (Jon 16:33). Meļeļein bwe laļin jenaaj aolep ioon apan̄ ko. Ak E ekar bar letok n̄an kōj kallim̧ur in: “Aenōm̧m̧an Ij likūi ņa ippemi, Aō aenōm̧m̧an Ij lewōj n̄an kom̧” (Jon 14:27). N̄an ļoor Rilo̧mo̧o̧r eo, jemaron̄ en̄jake aenōm̧m̧an ilo iien ko reppen.

N̄e jej bōk kwojkwoj eo, jej kallim̧ur n̄an keememej Rilo̧mo̧o̧r eo. Kwomaron̄ ļōmņak kōn E ilo wāween ko me rejipan̄ eok en̄jake am̧ epakeļo̧k E. Jet iien ij ļōmņak kōn An bukwelōlō ilo Jikin Kallib Gethsemane. Jet iien ij pijaiki ļo̧k An kūr Lazarus nam̧ōjtak jān ļōb eo. Ilo aō kōm̧m̧ane, ij en̄jake aō epakeļo̧k E. Ij en̄jake kam̧m̧oolol im aenōm̧m̧an. Kom̧ maron̄ barāinwōt.

Jisōs ekar kallim̧ur ke n̄e jej kōjparok kien ko An im ļoor E, Jetōb Kwojarjar enaaj pād ippād. Innām jemaron̄ lo aenōm̧m̧an, jekdoon ta ko rej waļo̧k ilo mour ko ad.

Bwebwenato ko kōn Jisōs

Peij in kōļar eo kōn an Jisōs Kraist jar ilo jikin kallib eo

Būreejtōn Eyring ekar ba ej en̄jake kam̧m̧oolol im aenōm̧m̧an n̄e ej ļōmņak kōn Rilo̧mo̧o̧r eo ilo Getsemane. Ta bwebwenato ko kōn Jisōs ejipan̄ eok en̄jake am̧ epakeļo̧k E?