“Makoko in Ajeej,” Jera, Maj 2023, 36–37.
Makoko in Ajeej
“Ajeej ej juon wāween eo n̄an kwaļo̧k ke kwoj kea kōn er.”
Ekan̄urn̄ur, ekan̄urn̄ur, ekan̄urn̄ur Andrew ekar oran̄ļo̧k popcorn eo kijen im bar ebōk im kabooļ pein.
Eo jein, Caleb, ekar jijōt laļļok ioon kawij eo iturin. “A, imaron̄ ke bōk jet?”
Andrew ekar jab bōk mejen jān TV eo. “Jaab.”
“Aw, jab kain ņe. Kwomaron̄ ajeej.”
Caleb ekar leļo̧k pein n̄an bo̧o̧ļ eo, bōtaab Andrew ekar kair in kanōkļo̧k jāne.
“Jaab! Em̧ōj aō kar ba n̄an kwe m̧oktaļo̧k. Jab bar kajjitōk!”
“Em̧m̧an.” Caleb ekar jutak im etal jān ruum̧ eo.
Raan eo juon, Andrew ekar etal n̄an jikin kōmat eo. Caleb ekar kōm̧m̧ane jet sushi ippān raij, seaweed, im kuwat in piik.
Andrew ekar ijōļ. “Imaron̄ ke bōk jidik?”
“Jaab,” Caleb ekar ba.
Ekar kōm̧m̧an an Andrew lukkuun illu. Ekar ettōr laļļo̧k im ba n̄an jeman.
“Etke Caleb elukkuun miin?” ekar kajjitōk.
Jemān ekar kōnanaik mejen. “Inne iaar lo am m̧akoko in ajeeje popcorn eo kijōm̧. Etke Caleb ej aikuj lewaj kōjōm̧ ālkin am̧ kar jab leļo̧k kijen ippam̧?”
“Kōnke ej jatū!” Andrew ekar ba.
“Innām etke kwojjab ajeej ippān?”
“Ekar jab ajeeje ippa bar! Kōnke iaar kōm̧m̧an kijō, ejjab e.” Andrew ekar ba Ak ekar būrom̧ōj jidik. Bōlen ekar jab kōņaan wōt in ajeeje ippa.
“Kwojeļā ke ilo Korea, ajeej eļap an aorōk?” Jemān ekar kajjitōk. Baam̧le eo an Andrew rej jān Korea. “Ajeej ej juon wāween n̄an kwaļo̧k ke kwoj kea kōn er. Kōn menin n̄e kwojjab ajeej, ej āinwōt ba kwojjab kea kōn er.
“Ak ij lukkuun kea kōn Caleb.”
Andrew eaar ļōmņak kōn ta eo Jisōs ekar kōm̧m̧ane. Eaar keememej wāween an JIsōs kar iakwe aolep—men̄e ro rekar jab jouj n̄an E.
“Ij ļōmņak ij tin ajeej ippān Caleb ilju im lale em̧m̧an ta eo enaaj waļo̧k,” eaar ba n̄an jemāņ.
Jemān ekar ettōn̄dikdik. “Ij ļōmņak ej juon ļōmņak em̧m̧an.”
Ke Andrew ekar tin kiki bon̄on eo, ekar ļōmņak kōn men ko jet rem̧m̧an emaron̄ kōm̧m̧ani n̄an Caleb. Ekar m̧ōņōņō in jino ajeej!
Jibbon̄en eo juon, Andrew ekar jerkak ilo bwilōn̄. Caleb ekar kōm̧m̧an m̧ōn̄ā in jibbon̄ n̄an e!
“Baba ekar kōnono bwe in ajeej,” Caleb ekar ba. “Ikōnaan kōm̧m̧an em̧m̧an. Kōn menin ikar kōm̧m̧ane n̄an kwe.”
“Kom̧m̧ool!” Andrew ekar ba. “Ikōnaan bar kōm̧m̧an em̧m̧an.”
Rālepen eo, Andrew im Caleb rekab alooj e juon pija. Andrew ekar kōtļo̧k an Caleb kālet juon. Innām ekar kōm̧m̧an jet popcorn n̄an Caleb! Eaar lale lowaan booļ eo! Āinwōt n̄e popcorn eo ej ba, “KAN̄ EŌ!” Ak Andrew ekar jab bōk jabdewōt. Ekar leļo̧k booļ eo n̄an Caleb im ba, “kijōm̧ aolepān. Joļo̧k aō bōd bwe ikar jab ajeej m̧okta.”
Aolepen wiik eo Andrew ekar ajeej ippān Caleb. Eaar kōtļo̧k an Caleb riiti bok ko an. Eaar kōtļo̧k an Caleb kōjerbal m̧akōr ko an. Eaar kōtļo̧k an Caleb ikkure kōn kein ikkure eo an em̧m̧an. Eaar leļo̧k eļap iien bwe Caleb en ikkure.
Toon wōt an Andrew ajeej ippān Caleb, enaaj toon wōt an Caleb ajeej ippān! Tokālik rekar kōm̧m̧ani men ko rem̧m̧an n̄an doon aolep iien. Andrew ejeļā bwe Jemedwōj Ilan̄ ekar jipan̄ e ajeej n̄an būratōr eo an. Andrew ekar jab weppān āinwōt Jisōs, ak ekar kajjieon̄ eļapļo̧k n̄an āinwōt E kajjojo raan.
Bwebwenato in ekar bōk jikin ilo USA.
Kōmeļeļe jān Adam Howling