“itok, Ļoor Eō M̧akūtkūt ko,” Jera, Maj. 2023, 6–7.
Itok, Ļoor Eō M̧akūtkūt ko
N̄an nokon in jota, ekkatak jeje ko rekwojarjar, ak n̄an baj kam̧ōņōņō!
Ļan̄ eo
Kōmeļeļe jān Katy Dockrill
Bwebwenato: Riiti bwebwenato eo kōn an Jisōs kalur ļan̄ eo ilo peij 46 ak ilo Mark 4:36–41. Kōnono kōn wāween ko Jisōs ej lewaj n̄an eok aenōm̧m̧an.
Al: “I Feel My Savior’s Love” (Children’s Songbook, 74–75)
Makūtkūt: Jutak ilo juon doulul im jibwe jabōn ko̧o̧j māāņān eo. Door juon bo̧o̧l ioon juon ko̧o̧j māāņāņ im kōmeraik kōdāpiltok kōdāpiltak, āinwōt wa eo ekar lāto lātak ioon ņo ko. Bōk an doon iien jiron̄ kumi eo n̄an kōm̧ōkajļo̧k, karum̧wijļo̧k, ak, “lur.”
Ikkure in Kajidede kōn Kabwilōn̄lōn̄
Bwebwenato: Jisōs Kraist ekar kōm̧m̧ani elōn̄ mennin bwilōn̄ ko. E ekar kōmour juon em̧m̧aan eo ekar jaje etetal. E ekar kōjerkak leddik eo jen mej n̄an mour. E ekar kaloļo̧kjeņ em̧m̧aan eo epilo. (Lale Matu 9.) Ta mennin bwilōn̄ ko jet Jisōs ekar kōm̧m̧ani?
Al: “Tell Me the Stories of Jesus” (Children’s Songbook, 57)
Makūtkūt: Je jet iaan kabwilōn̄lōn̄ ko an Jisōs ioon juon peba im likūti ilo juon booļ. Bōk juon peba, riiti mennin bwilōn̄ eo ie, im jin̄aik juon pija in. Ro jet remaron̄ kajidede ewi wōt iaer!
Jerbal ippān doon
N̄an Matu 11–12; Luk 11
Bwebwenato: Jisōs Kraist ekar ba, “Bwe Aō ine ej em̧m̧an, im men eo Ij ineke e mera” (Matu 11:30). Juon ine ejipan̄ ruo menin mour n̄an kanōk jabdewōt men. N̄e jej kālet n̄an loor Jisōs, E emaron̄ jipan̄ kōj kōn mālijjon̄ ko ad.
Al: “If the Savior Stood Beside Me” (ChurchofJesusChrist.org)
Makūtkūt: Kajjitōk ippān ro jet n̄an kōm̧akūt juon men eddo ilo ruum̧ eo. Innām kōtļo̧k aer kōm̧akūti men eo jen jipan̄ eo an ro jet. Kōnono elmen an eddodo ko ad mera n̄e jej oktaļo̧k n̄an jipan̄ eo an Rilo̧mo̧o̧r.
Je Būrabōļ eo Am Make!
Bwebwenato: Jisōs ekar kwaļo̧k gospel eo kōjerbal bwebwenato ko ņaetaer “būrabōļ ko.” Juon bwebwenato E ekar ba elmen an juon mustard ine jidikdik maron̄ eddōk ilo juon wōjke (lale Matu 13:31–32). Ta eo Ekar katakin? Ta būrabōļ ko jet Jisōs ekar Katakin?
Al “If I Listen with My Heart” (ChurchofJesusChrist.org)
Makūtkūt: Būrabōļ ko remaron̄ jipan̄ kōj em̧m̧anļo̧k ad meļeļe gospel eo. Etal n̄an peij 8 n̄an je būrabōļ eo am̧ make. Kwaļo̧k būrabōļ eo am̧ n̄an baam̧le eo ak ro m̧ōttam̧.
Ebwe Jen Ejjeļo̧k
Bwebwenato: Ke Jisōs Kraist ekar joļo̧k aolepān raan eo katakin armej ro. Aolep rekar kwōle. Bōtaab ekar wōt ippāer ļalem pilawā ko im ruo ek. Jisōs ekar kōjeram̧m̧an pilawā im ek ko, im rikaļoor ro raar ajije ippān armej ro. Ekar bwe m̧ōn̄ā ko n̄an 5,000 armej! (Lale Matu 14:15–21).
Al: “I’m Trying to Be like Jesus” (Children’s Songbook, 78–79)
Makūtkūt: Kōm̧m̧ane iiōk in pilawā eo em̧m̧an tata ippam̧, ak kajjieon̄ eo ilo peij 8. Keememej ekōjkan an juon men edik āinwōt ij kōm̧m̧an bwe aolepān likio pilawā eo en kilepļo̧k. Elmen an kar Jisōs kōm̧m̧an bwe kijejeto ko am reddik ren kilep?