“Kōttōpar eo Aō ilo Bok in Mormon,” Jera, Maj. 2023, 31.
Ajiri ro im Jodikdik ro
Kōttōpar eo Aō ilo Bok in Mormon
Kōmeļeļe eo jān Rachel Hoffman-Bayles
Ij kōm̧m̧ane juon kōttōpar n̄an riiti Bok in Mormon m̧okta jān peptaij eo aō, āinwōt an ļaddik eo im leddik eo jeiū kar kōm̧m̧ane. Ak ke ekar waļo̧k COVID, iaar jab pād ilo jikuuļ, im aō riit ekar ļapļo̧k jidik an pen n̄an n̄a. Bok in Mormon ebooļ naan ko reļļap ie, im ikar aikuj jipan̄.
Innām jinō im jema im n̄an ekar wōr juon am ļōmņak. Ikar kōjerbal Gospel Library app eo ilo taļboon eo an m̧am̧a n̄an ron̄jake Bok in Mormon. Komro kar kōraļo̧kļo̧k ainikien ko bwe en pidodoļo̧k aō riiti im loore. Ikar barāinwōt ebbōjrakrar jidik jidik im alooje video ko ilo app eo. Kajjojo iien ij riit, ij kōkaļļeki ilo jaat eo. Iaar ba n̄an jinō kōn ta eo ikar riiti. Ekar kalimomo!
Ekar em̧m̧anļo̧k aō riit, ak ikar jab ļōmņak ke inaaj kam̧ōje m̧okta jān peptaij eo aō. Kōn menin ikar ba ijello̧kin kadedeļo̧k m̧okta jān peptaij eo aō, ikōņaan kadedeļo̧k m̧okta jān jem̧ļo̧kin iiō eo (eo ekar juon allōn̄ tokalik). Ikar riit wōt. Jet iien jinō ak lio jeiū rej riit ippa.
Ilo Tijem̧ba 31, ikar kadedeļo̧k Bok in Mormon! Aolepān baam̧le eo aō rekar m̧ōņōņō. Innām ikar etal n̄an ruum̧ eo aō im kōm̧m̧ane juon jar. Iaar kajjitōk n̄e Bok in Mormon ekar m̧ool, im ekar kanooj em̧m̧an aō en̄jake.
Ijeļā bwe Jemedwōj Ilan̄ ej ron̄ n̄e ij jar. Ijeļā bwe jinō im jema ilan̄ rej iakwe eō. Ijeļā bwe Bok in Mormon ej naan an Anij, im Jisōs ej iakwe kōj.