Taitai e Pei o Iesu

Saunia e Julia B., 10 tausaga, São Paulo, Pasila

Sa talosagaina a’u e taitai viiga i le sauniga faamanatuga, ma sa ou matua popole lava. Ou te le’i taitaia muamua lava ni viiga. Sa ou faataitai i le tele o taimi i le aluga o le vaiaso.

Sa ou talanoa i lo’u tama e uiga i o’u popolega. Sa ia fesili mai ia te a’u pe na ou iloa le faamoemoega o le taitaiina o viiga. Sa ou fai atue seti ai le taimi ma le pa’ō. O le taitaiga o viiga e pei lava o le mulimuli i le taitai.

Ina ua uma lenei talanoaga, sa ou mafaufau e uiga i le avea ai o se taitai pese e pei lava o le faataitaiga ia Iesu Keriso. O Ia o lo tatou taitai ma e taialaina i tatou i le ala sa’o ma i le taimi sa’o. Na te taialaina i tatou i le pogisa ma o lo tatou Leoleo Mamoe.

Sa ou faia se tatalo ma lagonaina ai o se taitai pese e moni lava o se faataitaiga ia Iesu Keriso. O lenei ua sili atu lo’u fiafia e taitai pese aua o le a ou avea ma sui o Keriso.