“O le Lesona o le Ma’i e Afua i Mea o le Siosiomaga [Allergy],” Uo, Ape. 2023, 32.
O le Lesona o le Ma’i e Afua i Mea o le Siosiomaga [Allergy]
Mai se faatalatalanoaga ma Sydney Squires.
Ina ua 10 o’u tausaga, sa matuai leaga lava lo’u mai e afua i mea o le siosiomaga. Sa masani ona ou taalo i fafo i le taumafanafana. E le o le tausaga lena! O o’u aafiaga na faigata ai ona ou manava. Sa tele lava ina ou nofo i totonu. O mea uma sa ou manao e fai, e pei o le taalo soka, sa alu ai le tele o le malosi.
Ina ua mavae lena tausaga, sa toe foi mai lo’u ma’i i taumafanafana uma. Sa le mafai ona matou maua ni vailaau na aoga ai. Ae sa matou iloa na sili atu ona lelei la’u manava i totonu o le faletaele nai lo se isi lava mea i totonu o le fale. Mai la ia Me e oo atu ia Aokuso, sa ou moe ai i le faletaele. Sa le’i faitio lo’u aiga. Sa latou tuu a’u e moe iina i taumafanafana uma mo le lima tausaga.
Ata na tusia e Mark Robison
I le amataga o taumafanafana taitasi, sa tuuina mai ai e lo’u tamā ia te a’u se faamanuiaga faaperisitua. I lea tausaga ma lea tausaga, sa ia faamanuiaina a’u ina ia alu ese atu lo’u ma’i. Sa tatalo uma lo’u tina, tuafafine, ma lo’u uso mo a’u. Ae sa le’i faaleleia e faamanuiaga ma tatalo lo’u ma’i i le taimi lava lena.
Sa aoaoina a’u e lo’u ma’i i le tele o lesona taua i na taumafanafana e lima. Sa ou aoao e fai ni mea faigata. Sa ou aoao e malolo ina ia mafai ona ou faaaogaina tatau lo’u malosi. Sa ou aoao e aua le fefe. Mulimuli ane, ina ua faasolo ina ou matua, sa faasolo ina lelei lo’u ma’i.
O le asō e mafai ona ou galue malosi mo se taimi umi, e tusa lava pe ua lelavava isi tagata. Ou te faaaluina pea se taimi e malolo ai ina ia mafai ona ou faaaogaina tatau lo’u malosi. Ma ou te le fefe, ona ou te faatuatua ia Iesu Keriso.
Atonu e malie, ae o le asō ou te faafetai ona sa i ai ni o’u ma’i leaga! O i latou o se faamanuiaga ona o lesona sa latou aoaoina mai.