Feagaiga Fou

O Gaoioiga o leSau, Mulimuli Mai ia te A’u mo Tamaiti Laiti

Mo le Eseta

Faamatala i lau fanau laiti le tala o le uluai Eseta. E mafai ona e faaaogaina le ata o loo i itulau 24–25. Fai atu i lau fanau e faasino i le Faaola. Fesoasoani ia i latou e fai mai, “O le Eseta e faatatau ia Iesu Keriso!”

Mo le Mataio 15–17; Mareko 7–9

Fesoasoani i lau fanau laiti e fai se fatu mai se kelei meataalo. Ta’u atu ia i latou a tatou mulimuli ia Iesu, e mafai ona lagona e o tatou loto le latalata atu ia te Ia.

Mo le Mataio 18; Luka 10

Ta’u atu i lau fanau laiti le auala e alofa ai Iesu Keriso i tamaiti ma e masani ona faapotopotoina i latou faataamilo ia te Ia (tagai Mataio 18:1–5). Faapotopoto lau fanau laiti ma usu le pese “Le Alofa o Lou Faaola” (Tusipese a Tamaiti, 42–43).

Mo le Ioane 7–10

Tuu atu lau fanau laiti e tilotilo i se fā’ata. Ta’u atu ia i latou e silafia e Iesu o latou igoa, pe faape’i o latou foliga, o mea latou te fiafia ai, ma mea latou te faanoanoa ai. Fesoasoani i lau fanau laiti ia fai mai, “E iloa ma e alofa Iesu ia te a’u.”