Iakwe jān Cape Verde!

Ekkatak kōn ajri ro nejin Jemedwōj Ilan̄ ipeļaakin laļin.

Kōmeļeļe ko jān Carolina Farías

Cape Verde ej juon aelōn̄ itūrin lojet eo an West Africa. Enan̄in 480 taujin armej rej jokwe ijo.

Kajin

Kajin Potuguese ej lukkuun kajin eo. Armej ro rej barāinwōt kajin Cape Verdean Creole, ak Kriolu, eo ej itok jān kajin Portuguese.

Volcanoe ko

Ewōr 10 āne ko ilo Cape Verde, ko rekar ejaak jān volcano ko. Volcano eo ekileptata emour ej ņae etan Pico do Fogo. Ej 9,281 ne (2,829 m) aetokan

Kabun̄

Enan̄in 80 bōjāān in armej ro ie rej Catholic. Ebar āinwōt wōr emaron̄ 16 taujin membōr ro an Kabun̄ in ad.

Al ko

Armej in Cape Verde em̧m̧an ippāer al! Ekkā aer al ilo kajin Creole, im al ko aer ekoba jitaeļ in al ko jān Protugal, Brazil, im West Africa.

Praia Tampeļ

Tampeļ eo jinointata ilo Cape Verde kar aje iiō eo lo̧k!

M̧akūtkūt

Ikkure in Bwebwenato

En̄in ej juon ikkure n̄an am̧ maron̄ ikkure kake! Juon armej ej etal jān ruum̧ eo. Ro jet rej ba juon bwebwenato kōn juon em̧m̧aan eo ekar etal im en̄od ilo m̧aļo eo. Ilo aer ekōnono, rej leto letak juon aitōm̧ n̄an doon. Bwebwenato in aolep iien ej jem̧ļo̧k kōn naan ko, “im ek jidikdik eo ekar mej.” Jabdewōt eo ej jibwe aitōm̧ eo n̄e bwebwenato eo ej jem̧ļo̧k ej ņooje ilikin. Armej eo ekar etal ej bar jepļaaktok im kajidede wōn eo epād ippān aitōm̧ eo. N̄e ejim̧we aer kajidede, armej eo epād men eo ippān ej etal jān ruum̧ eo. Eļan̄n̄e ebōd aer kajidede, renaaj etal jān ruum̧ eo bar juon alen im bwebwenato eo enaaj bar jinoe jān jinoin.

Iiōk

Cachupa (Stew in Cape Verde )

1. Kajjidikdik i 1 anien im 6 kalik. Innām kōmatte ilo juon paan ippān jidik oiļ.

2. Kōm̧akūt anien ko im karlik ko n̄an lowaan juon aiinpot ekilep. Kobaik 1 kāān in tom̧ato, 1 kāān in hominy ak corn, im 2 kāān in red kidney beans.

3. Kobaik 2 paun in (1 okg) jālele, āinwōt pork, sausage, beef, ak ek.

4. Kōm̧m̧an jon̄an dren eo n̄an pinej aolep men ko ilowaan pot eo. Kōmatte ilo low heat n̄an dikdik ruo awa.

Kakeememej: Elōn̄ wāween ko n̄an kōm̧m̧ane iiōk in cachupa. Komaron̄ kobaik elōn̄ kain jālele ko, bean ko, im vegetable ko n̄e kokōņaan!

Jipan̄ n̄an ājmour

Fiber ko Rem̧m̧an

Bean ko eļap fiber ko ie, ko rej karreoikļo̧k kūj ko ilowaam̧ im jipan̄ kapidoidoik an kōm̧akūt m̧ōn̄ā ko ilo aolepen ānbwinum̧. Komaron̄ barāinwōt bōk fiber jān whole grain ko, berry ko, im nut ko.